मुंबई: ‘एमएमएस’ची परीक्षा पुढे ढकलण्याचा मुंबई विद्यापीठामधील आयडॉलचा निर्णय

मुंबई विद्यापीठाच्या आयडॉल विभागात २०२१-२२ मध्ये पदव्युत्तर व्यवस्थापन अभ्यासक्रमाला (एमएमएस – दोन वर्षीय अभ्यासक्रम) सुरुवात झाली. पहिल्या तुकडीची परीक्षा ही ऑनलाइन स्वरूपात झाली. परंतु शैक्षणिक वर्ष २०२२-२३ या दुसऱ्याच तुकडीमधील विद्यार्थ्यांची परीक्षा पहिल्यांदाच ऑफलाइन पद्धतीने १६ ते २४ मे २०२३ या कालावधीत पार पडणार होती. तर अभ्यासासाठीचे साहित्य संकेतस्थळावर उपलब्ध आहे, मात्र आवश्यक ती पाठ्यपुस्तके आयडॉलमध्ये प्रत्यक्षात उपलब्ध नाहीत. याचसोबत अनेक पाठयपुस्तकांमधील गणितीय सूत्रेही चुकीची असल्याचे विद्यार्थ्यांचे म्हणणे आहे.

आणखी वाचा

राज्यसेवा २०२४च्या जागावाढीसाठी विद्यार्थ्यांचे सरकारला साकडे, तहसीलदारासह अनेक पदे रिक्त

अपात्र ‘लाडक्या बहिणी’ची रक्कम पुन्हा सरकारजमा

लाचखोरीप्रकरणात प्रतिबंधक अधिकाऱ्यासह तिघांविरोधात आरोपपत्र दाखल, सीबीआयची कारवाई

आरटीईमध्ये प्रवेश हवा, मग ही माहिती जाणून घ्या… ‘या’ तारखेपासून प्रक्रिया…

चंद्रपूर जिल्हा बँकेची ऑनलाइन परीक्षा वादात, परीक्षार्थ्यांना ‘हॅकिंग’चा संशय

अग्रलेख: कोणते आंबेडकर?

आचारसंहिता संपूनही मोफत साडी वाटपास मुहूर्त लागेना, उत्तर महाराष्ट्रात २९ हजार साड्या पडून

चंद्रपूर जिल्हा बँक नोकर भरती : एका जागेसाठी ४० लाख दर; आमदाराचा विधानसभेत आरोप

हेही वाचा >>>वीजदेयक आंदोलनप्रकरण राहुल नार्वेकर, लोढांविरोधात आरोप निश्चिती

‘एमएमएस’च्या पहिल्या सत्राला एकूण आठ विषय आहेत. यापैकी सहा विषयांचे अध्ययन साहित्य छापील स्वरूपात उपलब्ध आहे. दोन विषयांच्या अध्ययन साहित्याची प्रत ऑनलाइनवर उपलब्ध आहेत. सदर दोन विषयांचे अध्ययन साहित्य हे छपाईसाठी पाठविण्यात आले असून, लवकरच ते उपलब्ध होईल. विद्यार्थ्यांना ऑनलाइन मार्गदर्शन करण्यात आले आहे, असे यावर आयडॉल विभागाने स्पष्टीकरण दिले आहे.

‘परीक्षेबाबतची पूर्वकल्पना ही किमान एक महिना आधी दिली जाते. पण परीक्षेचे वेळापत्रक अवघ्या १५ दिवसांपूर्वी प्रसिद्ध करण्यात आले. अनेक विद्यार्थी नोकरी करून ‘आयडॉल’मध्ये शिक्षण घेत असल्यामुळे त्यांना तातडीने रजा मिळणे कठीण झाले आहे. ते परीक्षेलाही मुकण्याची शक्यता आहे. अभ्यास करण्यासाठी अपुरा वेळ आणि आवश्यक पाठ्यपुस्तकांची कमतरता असल्यामुळे, परीक्षा किमान एक महिना पुढे ढकलून जून महिन्यात घ्यावी’, असे एका विद्यार्थ्याने नाव न जाहीर करण्याच्या अटीवर सांगितले.

हेही वाचा >>>बारसू आंदोलकांवरील गावबंदी आदेश मागे घेणार ; राज्य सरकारची उच्च न्यायालयात हमी

याबाबत युवा सेनेने मुंबई विद्यापीठाचे प्रभारी कुलगुरू डॉ. दिगंबर शिर्के यांना पत्र पाठवून सदर परीक्षा एक महिना पुढे ढकलून, विद्यार्थ्यांना आवश्यक ती सर्व पाठ्यपुस्तके तात्काळ उपलब्ध करून देण्याची मागणी केली होती, असे युवा सेनेचे मुंबई विद्यापीठातील माजी अधिसभा सदस्य प्रदीप सावंत यांनी सांगितले.