मुंबई : मर्यादित वाहतूक सेवेमुळे मतदारांचे हाल

राज्यातील पाचव्या आणि अंतिम टप्प्यातील लोकसभा निवडणूक सोमवारी पार पडली. मुंबईतील सहा लोकसभा मतदारसंघात निवडणूक असल्याने, या निवडणुकीच्या पार्श्वभूमीवर मतदान साहित्य, निवडणूक कर्मचारी आणि अधिकारी, सुरक्षा विभाग यांना मतदान केंद्रापर्यंत नेऊन सोडण्याचे आणि मतदान प्रक्रिया पार पडल्यानंतर त्यांना परत घेऊन आणण्याची जबाबदारी बेस्ट उपक्रम, एसटी महामंडळावर सोपविण्यात आली होती. यासाठी मुंबईतील सहा लोकसभा मतदारसंघासाठी एसटीच्या १२७, तर बेस्ट उपक्रमाच्या ८२९ बसचे आरक्षण केले होते. अनेक मतदारांना घरापासून मतदान केंद्रापर्यंत ने-आण करण्यासाठी राजकीय पक्ष, कार्यकर्त्यांनी रिक्षा- टॅक्सी आरक्षित केल्या होत्या. त्यामुळे मुंबईच्या रस्त्यांवर ५० टक्क्यांहून कमी संख्येने रिक्षा-टॅक्सी धावत होत्या. रिक्षा-टॅक्सी थांब्यावरही तुरळक रिक्षा-टॅक्सी दिसत होत्या. त्यामुळे मतदारांची खूपच गैरसोय झाली.

आणखी वाचा

‘कसब्या’तील आमदारांची कामे कमी आणि दंगा जास्त; उपमुख्यमंत्री देवेंद्र फडणवीस यांची टीका

‘हिंदुत्व तोडणारा राक्षस’, कालीचरण यांच्या विधानानंतर मनोज जरांगे…

लोकसभेतील अपयशानंतर ‘भारत जोडो’सारख्या शक्तींवर मात; विधानसभेत प्रभाव नसल्याचे देवेंद्र फडणवीस यांचे प्रतिपादन

प्रचार मिरवणूकांमुळे रिक्षा चालकांना अच्छे दिन, तीन ते चार तासांसाठी रिक्षा चालकांना मिळतात ५०० ते १ हजार रुपये

कुणबी समाजाला डावलल्याची खंत, यवतमाळात तिसरा पर्याय देण्याचा प्रयत्न

पाेलिसांच्या नियोजनामुळे वाहतूक सुरळीत-पंतप्रधानांच्या सभेसाठी कडक बंदोबस्त

निवडणूक कर्तव्यार्थ तैनात कर्मचाऱ्यांना निवडणुकीनंतरच्या दिवशी सुटी द्यावी

पंतप्रधानांच्या दौऱ्यानिमित्त शहरात वाहतूक बदल; स. प. महाविद्यालय परिसरातील रस्ते वाहतुकीस बंद

हेही वाचा…बीडीडीवासीय आणि वांद्रे वसाहतीतील रहिवाशांनी बजावला मतदानाचा हक्क

दिव्यांग मतदारांना मतदान केंद्रापर्यंत पोहचवण्यासाठी बेस्ट उपक्रमाची बससेवा उपलब्ध होती. ही सेवा दिव्यांग मतदारांसाठी मोफत होती. मुंबई उपनगरात बेस्टच्या ३८२, तर मुंबई शहरात २१२ अशा एकूण ५९४ बस उपलब्ध करण्यात आल्या. तर, मुंबई शहरात व्हील चेअर असलेल्या १० आणि उपनगरांत २५ अशा एकूण ३५ बस धावल्या. बेस्ट उपक्रमाच्या एकूण ६२९ बस संपूर्ण मुंबईभर धावल्या. तसेच पोलीस प्रशासनासाठी २०० बेस्ट बस उपलब्ध करण्यात आल्या होत्या. बेस्ट उपक्रमाच्या एकूण ३ हजार बस ताफ्यातील ८०० बस मतदानाच्या कामानिमित्त धावत होत्या. तर, उर्वरित २,२०० बस मुंबईतील रस्त्यांवर धावत होत्या. मात्र या बस विलंबाने धावत असल्याने बस थांब्यावर गर्दी दिसत होती. राजकीय नेत्यांकडून वांद्रे टर्मिनस येथील १०० रिक्षा आणि ५० टॅक्सी आरक्षित केल्या. या रिक्षा-टॅक्सीचा वापर निर्मलनगर, खेरवाडी येथील मतदारांना मतदान केंद्रावर ने-आण करण्यासाठी केला.

हेही वाचा…मतदानाचा हक्क बजावणे झाले शक्य, मतदानाच्या दिवशी नवमतदारांना मिळाले मतदार ओळखपत्र

मतदानानिमित्त सार्वजनिक सुट्टी जाहीर केल्यामुळे अनेक कार्यालये बंद होती. त्यामुळे चालकांनी टॅक्सी, रिक्षा बंद ठेवणे पसंत केले होते. दळणवळणासाठी वाहन उपलब्ध होत नसल्यामुळे मतदारांचे हाल झाले.