सेट टॉप बॉक्स रिचार्जमध्ये अडचण, कस्टमर केअरला कॉल केला आणि मुंबईतल्या महिलेने गमावले ८१,०००

पोलिसांनी दिलेल्या माहितीनुसार विक्रोळी पूर्वेकडील कन्नमवार नगर येथील रहिवासी असलेल्या ४७ वर्षीय तक्रारदार महिलेने ५ मार्च रोजी सेट टॉप बॉक्स रिचार्ज केला. त्यासाठी तिने ९३१ रुपये भरले. परंतु या महिलेला पैसे जमा झाल्याचे दिसले नाही, किंवा त्यासंबंधी कोणताही मेसेज आला नाही. त्यानंतर तिने एक दिवस वाट पाहिली आणि दुसऱ्या दिवशी तिने कस्टमर केअरला कॉल करायचे ठरवले. त्यासाठी तिने इंटरनेटवर नंबर शोधला.

आणखी वाचा

पुणे: अपहरणानंतर तासाभरात शासकीय ठेकेदाराचा निर्घृण खून, विठ्ठल पोळेकर खून प्रकरणात तिघे अटकेत; मुख्य सूत्रधार पसार

D. Y. Chandrachud : संजय राऊतांच्या टीकेवर माजी…

‘शिकारी खुद यहां शिकार हो गया’, सायबर चोरट्याचा पोलिसाला गंडा घालण्याचा प्रयत्न; नंतर झालं असं काही

रवींद्र वायकर यांच्याविरोधातील जोगेश्वरी भूखंड घोटाळा प्रकरण बंद; गुन्हे शाखेने दाखल केलेला अहवाल न्यायालयाने स्वीकारला

स्वारगेट एसटी स्थानकात चोरट्यांचा उच्छाद, प्रवासी तरुणाकडील साडेसहा लाखांचे दागिने चोरीला

मालेगावातील कोटींच्या उड्डाणांची ईडी चौकशी

पोलीस असल्याच्या बतावणीने सराफाची फसवणूक; सोनसाखळी चोरून चोरटा पसार

इंटरनेटवर या महिलेला एक हेल्पलाईन नंबर मिळाला. तिने त्या नंबरवर कॉल केला. परंतु तिचा कस्टमर केअर कर्मचाऱ्याशी संपर्क होऊ शकला नाही. त्यानंतर तिने फोन ठेवला. काही वेळाने तिला एका अनोळखी नंबरवरून फोन आला आणि त्या व्यक्तीने सांगितले की, तो कस्टमर केअरमधून बोलतोय.

रिमोट अ‍ॅक्सेस अ‍ॅप्लिकेशनद्वारे फसवणूक

सदर महिलेने त्या फ्रॉड कस्टमर केअर कर्मचाऱ्याला तिची समस्या सांगितली. त्यानंतर त्याने तिला फोनवर रिमोट अ‍ॅक्सेस अ‍ॅप्लिकेशन डाऊनलोड करायला सांगितले. त्याने सांगितलेल्या प्रत्येक सूचनेचं तिनं पालन केलं. त्यानंतर तिला एक ओटीपी आला. पलिकडून बोलणाऱ्या व्यक्तीने तिला ओटीपी मागितला. तिने कोणतेही आढेवेढे न घेता त्याला ओटीपी दिला. त्यानंतर काहीच सेकंदात तिला तिच्या बँक खात्यामधून पैसे डेबिट झाल्याचा मेसेज आला.

हे ही वाचा >> “विरोधकांना बोलायला जागाच ठेवली नाही”; उद्धव ठाकरेंच्या टीकेला एकनाथ शिंदेंचं उत्तर

बँक खात्यातून पैसे वजा झाल्याचा मेसेज आल्यानंतर त्या महिलेच्या लक्षात आलं की, तिची फसवणूक झाली आहे. त्यानंतर तिने पोलिसात धाव घेतली. मंगळवारी या महिलेने पोलीस ठाण्यात तक्रार दाखल केली.