सिद्धिविनायक मंदिर ट्रस्टकडून शहीद जवानांच्या कुटुंबीयांना ५१ लाख

मुंबईतील सिद्धिविनायक मंदिर ट्रस्टकडून पुलावामा येथे शहीद झालेल्या जवानांच्या कुटुंबीयांना ५१ लाखांची मदत जाहीर करण्यात आली आहे. पुलवामा येथे CRPF जवानांच्या ताफ्यावर जैश ए मोहम्मद या दहशतवादी संघटनेने हल्ला केला. या हल्ल्यात ३९ जवान शहीद झाले. या घटनेमुळे सगळा देश हळहळला. आजच शहीद जवानांना अखेरचा निरोप देण्यात आला त्याआधी गृहमंत्री राजनाथ सिंह यांनी शहीद जवानांच्या पार्थिवाला खांदाही दिला. आता मुंबईतील सिद्धिविनायक मंदिर ट्रस्टने शहीद जवानांच्या कुटुंबीयांना ५१ लाखांची मदत जाहीर केली.