मालाड मार्वे मार्गावर महानगरपालिकेची कारवाई; रस्ता रुंदीकरणात अडथळा बनलेली नऊ बांधकामे हटवली

मुंबई: मालाड पश्चिम परिसरातील मढ मार्वेच्या दिशेने जाणाऱ्या रस्त्याच्या रुंदीकरणाआड येणारी नऊ बांधकामे मुंबई महानगरपालिकेने जमीनदोस्त केली. या कारवाईमुळे मढ मार्वे रस्त्यावरील सुमारे ११३ मीटर लांबीचा भाग मोकळा झाला असून मढ मार्वेला जाणाऱ्या पर्यटकांच्या वाहनांमुळे या रस्त्यावर होणारी वाहतूक कोंडी काही अंशी कमी होण्यास मदत होणार आहे.

आणखी वाचा

वरळी मतदारसंघात मतमोजणी केंद्राला छावणीचे स्वरूप

आचारसंहिता संपताच मुंबई महापालिका उगारणार कारवाईचा बडगा…

प्रकरणाचा स्वतंत्र यंत्रणेद्वारे तपास करण्याचे आदेश द्या, समीर वानखेडे यांची उच्च न्यायालयात धाव

मतमोजणीसाठी यंत्रणा सज्ज; मुंबईत १० ठिकाणी केंद्रे; सुरुवातीला टपाल मतांची मोजणी

तरुर्णाईच्या नाट्यजाणिवा समृद्ध करणारा ‘रंगसंवाद’; ‘लोकसत्ता लोकांकिकां’तर्गत उपक्रमातून नवोन्मेषी रंगकर्मींना तज्ज्ञांचे मार्गदर्शन

महसूलवाढीसाठी मुंबईतील जागांचा लिलाव; महापालिका प्रशासन ठाम

Maharashtra Vidhan Sabha Election 2024 Results : युती-आघाडीकडून निकालापूर्वी संख्याबळाची चाचपणी

डोंबिवलीच्या केंद्रावरील ‘पेट’ आणि ‘एलएलएम’ प्रवेशपूर्व परीक्षा आता दोन केंद्रांवर

मालाड पश्चिमेकडील मार्वे रस्त्यावर मालवणी चर्च आणि आजूबाजूच्या बांधकामांमुळे वाहतूक कोंडी होत होती. मढ मार्वेला जाणाऱ्या रस्त्यावर नेहमी पर्यटकांची गर्दी असते. वाहतूक कोंडीचा प्रश्न सोडविण्यासाठी या रस्त्याचे रुंदीकरण करण्यात येणार आहे. मात्र मालवणी चर्च येथील एक बंगला आणि नऊ दुकाने रस्त्याच्या रुंदीकरणाआड येत होती. या ठिकाणी चर्चच्या फादरचा बंगला आहे. हा बंगला व नऊ दुकानांना महानगरपालिकेच्या पी उत्तर विभागाने नोटीस पाठवली होती. तसेच ही बांधकामे तोडण्याच्या बदल्यात या दुकानदारांना व चर्चच्या फादरना मोबदला देण्याचा प्रस्ताव महानगरपालिका प्रशासनाने दिला होता. दुकानदारांनी महानगरपालिकेचा प्रस्ताव मान्य केला असून त्यामुळे महानगरपालिकेने मंगळवारी ही बांधकामे हटवली. मात्र बंगल्याच्या प्रकरणात संबंधितांनी न्यायालयात धाव घेतली आहे. त्यामुळे बंगल्यावर कारवाई करण्यात आली नाही, अशी माहिती महानगरपालिका अधिकाऱ्यांनी दिली.

हेही वाचा… ‘वेडात मराठे वीर दौडले सात’चे चित्रीकरण वेगात सुरू

हा बंगला पुरातन वास्तू असल्याचा दावा चर्चच्या प्रतिनिधींनी केला आहे. मात्र महानगरपालिका प्रशासनाने पुरातन वास्तू विभागाकडे याबाबत विचारणा केली असता ही वास्तू पुरातन वारसा नसल्याचा निर्वाळा विभागाने दिल्याचे महानगरपालिका अधिकाऱ्यांनी सांगितले. मात्र हे प्रकरण न्यायायलात प्रलंबित असून या बंगल्यावर कारवाई करण्यात आली नाही. या कारवाईसाठी दोन जेसीबी, इलेक्ट्रिशिअन, डंपर, पोलीस, अभियंते, १५ कामगार उपस्थित होते.