नागपूर ते शिर्डी समृद्धी महामार्गाचे काम बाकी, तरी उदघाटनाचा घाट; मात्र तरीही समृद्धीवरून थेट प्रवास

मुंबई ते नागपूर समृद्धी महामार्ग ७०१ किमीचा असून यातील ५२० किमीच्या नागपूर ते शिर्डी महामार्गाचे लोकार्पण पंतप्रधान नरेंद्र मोदी यांच्या हस्ते ११ डिसेंबरला होणार आहे. या लोकार्पण सोहळ्याची जोरदार तयारी सुरू आहे. लोकार्पणानंतर नागपूर ते शिर्डी वाहतूक यावरून सुरू होणार आहे. मात्र या टप्प्यातील नागपूर ते मुंबईच्या दिशेच्या मार्गिकेतील वाशीम येथील १० ते १२ किमीच्या रस्त्याचे काम अपूर्ण आहे. त्यामुळे यादरम्यान मुंबई ते नागपूरच्या दिशेने दुतर्फा वाहतूक सोडण्यात येणार असल्याची माहिती महाराष्ट्र राज्य रस्ते विकास महामंडळातील (एमएसआरडीसी) वरिष्ठ अधिकाऱ्याने दिली.

आणखी वाचा

पुणेकरांचा ट्रॅफिकमुळे ‘एवढा’ वेळ जातो वाया! वाहतूक कोंडीत आशियातील टॉप १० शहरात पुण्याचा समावेश

Madhurima Raje : सतेज पाटील ज्यांच्यामुळे ढसाढसा रडले…

वाढीव पुणेकर! एवढे उत्साही लोक फक्त पुण्यातच भेटतात, पठ्ठ्याने कारला केली लायटिंग, Video Viral

पुणे – बंगळुरू महामार्गावर मोठी वाहतूक कोंडी; वाहनांच्या रांगाच रांगा

दिवा रेल्वे फाटकातील वाहन कोंडीमुळे  लोकल, एक्सप्रेस खोळंबल्या; शिळफाटा वाहन कोंडीत

लक्ष्मीपूजनाच्या दुसऱ्याच दिवशी सोने-चांदीचे दर घसरले; असे आहेत आजचे दर

ऐन दिवाळीत प्रवाशांची लूट! वाहतूक पोलिसांमुळे पुणे रेल्वे स्टेशनवरील प्रीपेड रिक्षा बूथ बंद

पुणे : जुन्या इमारतींचा रखडलेला पुनर्विकास, अरुंद रस्ते कुठे आहेत हे प्रश्न !

हेही वाचा: ‘समृद्धी’ अपूर्णच, तरीही लोकार्पणाची घाई?; पेट्रोल पंप व इतर सोई-सुविधांची प्रतीक्षाच

नागपूर ते शिर्डी टप्प्यात ४२.८ किमीचा सेलू बाजार, वाशीम ते सिंदखेड राजा, बुलढाणा असा टप्पा-५ आहे. या टप्प्यातील नागपूर ते मुंबई दिशेने जाणाऱ्या मार्गिकेचे काम पूर्ण झाले आहे. मात्र मुंबई ते नागपूर दिशेने जाणाऱ्या मार्गिकेतील १० ते १२ किमीच्या रस्त्याचे काम अपूर्ण आहे. यातील दोन पुलांचे काम लोकार्पणापर्यंत होणे शक्य नाही. त्यामुळे एमएसआरडीसीने यादरम्यान तयार मार्गिकेवरून दोन्ही दिशेची वाहतूक सोडण्याचा निर्णय घेतला आहे. त्यामुळे काम अपूर्ण असले तरी प्रवाशांना थेट प्रवास करता येणार असल्याची माहिती या अधिकाऱ्यांनी दिली. १० डिसेंबरला १० ते १२ किमीदरम्यानच्या रस्त्याचे काँक्रीटीकरण पूर्ण होणार आहे. पण त्यानंतर उर्वरित काम पूर्ण होण्यासाठी तसेच हा रस्ता वाहतूक सेवेत दाखल करण्यासाठी किमान १५ दिवस लागणार आहेत. तेव्हा समृद्धीचा थेट ५२० किमीचा टप्पा डिसेंबरअखेरीस सुरू होण्याची शक्यता आहे.