नरेंद्र मोदी आणि उद्धव ठाकरे यांची ‘मातोश्री’वर भेट

एक दिवसाच्या मुंबई दौऱयावर आलेले गुजरातचे मुख्यमंत्री नरेंद्र मोदी यांनी गुरुवारी दुपारी शिवसेनेचे पक्षप्रमुख उद्धव ठाकरे यांची ‘मातोश्री’वर जाऊन भेट घेतली. आगामी लोकसभा निवडणुकीसाठी पक्षाच्या तयारीवर चर्चा करण्यासाठी नरेंद्र मोदी यांनी गुरुवारी मुंबईत पक्षाच्या राज्यातील नेत्यांसोबत बैठक घेतली. या बैठकीनंतर मोदी थेट वांद्र्याल उद्धव ठाकरे यांची भेट घेण्यासाठी रवाना झाले. 
दोन दिवसांपूर्वीच शिवसेनेचे मुखपत्र असलेल्या ‘सामना’ दैनिकात नरेंद्र मोदींवर टीका करण्यात आली होती. उत्तरखंडमध्ये अडकलेल्या १५ हजार गुजराती नागरिकांची मोदी यांनी आपल्या भेटीवेळी सुटका केल्याचे वृत्त एका इंग्रजी राष्ट्रीय वृत्तपत्रात प्रसिद्ध झाले होते. यावरूनच मोदी यांच्यावर टीका करण्यात आली होती. मोदी यांनी राष्ट्रीय नेतृत्त्व करताना संपूर्ण देशाचा विचार करायला हवा, असा सूर ‘सामना’तील अग्रलेखामध्ये व्यक्त करण्यात आला होता. हा अग्रलेख प्रसिद्ध झाल्यानंतरच त्याच दिवशी दुपारी उद्धव ठाकरे यांनी मुंबईत पत्रकार परिषद घेऊन आम्ही मोदीवर नव्हे; त्यांच्या प्रचारकांवर टीका केली, अशी सारवासारव केली. मोदी यांचे काम चांगले असल्याचे प्रशस्तीपत्रही त्यांनी यावेळी दिले. या सगळ्या पार्श्वभूमीवर मोदी यांनी उद्धव ठाकरे यांची भेट घेतली. भेटीनंतर उद्धव ठाकरे स्वतः मोदी यांना निरोप देण्यासाठी त्यांच्या गाडीपर्यंत आले होते.
मोदी यांच्यासोबत भाजपचे प्रदेशाध्यक्ष देवेंद्र फडणवीस, विधान परिषदेतील विरोधी पक्षनेते विनोद तावडे, मुंबईचे अध्यक्ष आशिष शेलार हे देखील यावेळी उपस्थित होते. 

आणखी वाचा

पंतप्रधान मोदी देशभरातील मुख्य सचिवांशी साधणार दोन दिवस संवाद

Madhuri Dixit : डर चित्रपट माधुरी दीक्षितने का…

Maharashtra News Highlights : “ताजमहल लवकर बांधून झाला पण..”, ठाकरेंच्या खासदाराचा संसदेत मराठीत प्रश्न, नितीन गडकरींनी दिले ‘असे’ उत्तर

Rahul Gandhi: काँग्रेसचं अनोखं आंदोलन, संरक्षण मंत्र्यांसह सत्ताधारी खासदारांना दिलं गुलाबाचं फूल आणि राष्ट्रध्वज!

“अबराम व आर्यनचा…”, शाहरुख खान दोन्ही मुलांसह एकत्र काम करणार; अनुभव सांगत म्हणाला…

बेस्ट बस अपघात : राजकारण तापले, चौकशीची भाजपची मागणी, भाडेतत्वावरील बस गाड्यांवरून आदित्य ठाकरे लक्ष्य

Chandrashekhar Bawankule : “उद्धव ठाकरेंमध्ये हिंमत असेल तर…”, चंद्रशेखर बावनकुळे यांचं खुलं आव्हान

मावळला मंत्रिपद मिळण्यासाठी महायुतीच्या नेत्यांना आकाशातून गवसणी, ११ पॅराग्लायडर्सनी ७०० फूट उंचीवरून …