एटीएसच्या प्रमुखपदी नवल बजाज यांची नियुक्ती

१९९५ तुकडीचे पोलीस अधिकारी असलेले नवल बजाज केंद्रात प्रतिनियुक्तीवर होते. त्यावेळी ते केंद्रीय अन्वेषण विभागाच्या (सीबीआय) सह संचालक होते. त्यापूर्वी बजाज केंद्रीय औद्योगिक सुरक्षा दलाच्या महानिरीक्षक पदावर कार्यरत होते. ते राज्याच्या आर्थिक गुन्हे शाखेतही अपर महासंचालक पदावर कार्यरत होते. त्याशिवाय अतिरिक्त पोलीस आयुक्त विशेष शाखा अशा महत्त्वाच्या पदावर कार्यरत होते. सीबीआयमध्ये सहसंचालक म्हणून कोळसा घोटळ्याचा तपास नवल बजाज यांनी केला होता. त्यानंतर त्यांना पुन्हा महाराष्ट्रात परत पाठवण्यात आले होते. लोकसभेच्या आचारसंहितेमुळे त्यांना नियुक्ती मिळाली नव्हती. अखेर त्यांची एटीएसच्या प्रमुखपदी नियुक्ती करण्यात आली आहे.३

हेही वाचा…‘हमारे बारा’ चित्रपटाच्या प्रदर्शनाला अखेर हिरवा कंदील, आक्षेपार्ह दृश्यांना कात्री लावण्याची तयारी दर्शवल्यानंतर उच्च न्यायालयाची परवानगी

१९९० तुकडीचे पोलीस अधिकारी असलेले सदानंद दाते मार्चच्या शेवटच्या आठवड्यात केंद्रात प्रतिनियुक्तीवर गेले होते. ते सध्या राष्ट्रीय तपास संस्थेचे (एनआयए) प्रमुख आहेत. त्यांच्या प्रतिनियुक्तीमुळे रिक्त झालेले दहशतवादविरोधी पथकाच्या प्रमुख पदाचा पदभार बजाज सांभाळतील.