मलिक यांच्या अटकेचं सेलिब्रेशन भाजपा नेत्याला पडलं महागात; मुंबई पोलिसांना दाखल केला गुन्हा

दाऊद इब्राहीम टोळी क्रिकेटवरील सट्टेबाजी आणि बांधकाम व्यवसायाच्या माध्यमातून आर्थिक गैरव्यवहार करत असल्याच्या आरोपावरून ‘ईडी’ने दाऊद आणि त्याच्या नातेवाईकांविरोधात गुन्हा दाखल केला होता. याप्रकरणी ‘ईडी’ने दाऊदचा भाऊ इक्बाल कासकरला ताब्यात घेऊन चौकशी केली़ दाऊदच्या हस्तकाशी संबंधित असलेल्या सुमारे ३०० कोटींच्या मालमत्तेचा व्यवहार करणाऱ्या कंपनीशी मलिक यांचा संबंध असल्याचे ‘ईडी’ला तपासात आढळले. त्यानुसार ‘ईडी’ने बुधवारी मलिक यांना आठ तासांच्या चौकशीनंतर अटक केली.

आणखी वाचा

पुणे: अपहरणानंतर तासाभरात शासकीय ठेकेदाराचा निर्घृण खून, विठ्ठल पोळेकर खून प्रकरणात तिघे अटकेत; मुख्य सूत्रधार पसार

D. Y. Chandrachud : संजय राऊतांच्या टीकेवर माजी…

बाबा सिद्दीकी हत्या प्रकरण: आरोपींना आर्थिक मदत करणाऱ्याला अटक

बाबा सिद्दीकी हत्या प्रकरण : आकाशदीप गिलला पंजाबमधून अटक

नवाब मलिक यांना तूर्त दिलासा, मात्र….; वैद्यकीय जामिनावर असताना त्रासाविना प्रचार करत असल्याची उच्च न्यायालयाकडून दखल

मुंबई : गस्तीवर असलेल्या पोलीस अधिकाऱ्यावर हल्ला

“विरोधकांनी योजनांसह वचननामाही चोरला…”, मुख्यमंत्री एकनाथ शिंदेंची अंबरनाथमध्ये टीका

नक्की वाचा >> “नवाब मलिक डान्सबार चालवायचे, बांगलादेशमधून मुली आणून त्यांना वेश्या…”; पुरावे असल्याचं सांगत भाजपा नेत्याचा आरोप

मलिक यांना अटक करण्यात आल्यानंतर मोहित कंबोज यांनी आपल्या समर्थकांसहीत घराबाहेर फटाके फोडून जल्लोष साजरा केला. यावेळी भाजपा समर्थकांनी पक्षाचे झेंडे फडकवत जय भवानी, जय शिवाजी अशी घोषणाबाजी केली. यावेळी मोहित कंबोज यांनी म्यानातून तलवार काढून ती हवेत उचावत जल्लोष साजरा केला. मात्र उत्साहाच्या भरात केलेल्या या कृतीमुळे आता कंबोज अडचणीत आले आहेत.

नक्की वाचा >> ३०० कोटींची ‘ती’ जमीन, दाऊद, क्रिकेट सट्टा, हसिना पारकरसोबतची बैठक अन् अटक… मलिकांवर नेमका आरोप काय आहे?

कंबोज यांच्याविरोधात गुन्हा दाखल करण्यात आला आहे. कंबोज यांनी केलेल्या सेलिब्रेशनचा व्हिडीओ समोर आल्यानंतर मुंबई पोलिसांनी त्यांच्या घरी जाऊन त्यांची भेट घेतली होती. त्यानंतर सांताक्रुझ पोलीस स्थानकामध्ये कंबोज यांच्याविरोधात गुन्हा दाखल करण्यात आला. करोना नियमांचं उल्लंघन करुन गर्दी जमल्याबद्दल आणि सार्वजनिक ठिकाणी तलवार नाचवल्याबद्दल हा गुन्हा दाखल करण्यात आल्याची माहिती समोर आलीय.

दरम्यान आज सकाळी कंबोज यांनी पत्रकार परिषद घेऊन मलिक यांच्यावर गंभीर आरोप केले आहेत. यामध्ये त्यांनी मलिक हे पूर्वी डान्सबार चालवायचे असा दावा केलाय.