VIDEO: हा अभिव्यक्तीस्वातंत्र्याचा खून – जितेंद्र आव्हाड

आलोक देशपांडे मंगळवारी आझाद मैदानात नाणार प्रकल्पाविरोधात आंदोलन करणाऱ्या आंदोलनकर्त्यांना भेटण्यासाठी गेले होते. त्यावेळी आलोक देशपांडे यांना पोलीस उपनिरीक्षक धनंजय घनगे यांनी अत्यंत हीन दर्जाची वागणूक दिली. त्यांना मारहाण करण्यापर्यंत घनगेंची मजल गेली होती असा आरोप जितेंद्र आव्हाड यांनी केला.

पोलीस उपनिरीक्षक जगन्नाथ घणगे यांनी काल द हिंदू चे पत्रकार अालोक देशपांडे यांना धक्काबुक्की केली. ते आझाद मैदानात नाणार विरोधी आंदोलनाचे कव्हरेज करण्यासाठी गेले होते. ही अभिव्यक्ती स्वातंत्र्यावर गदा आहे. हे सरकार जाणीवपूर्वक करत आहे अशी शंका उपस्थित होते. – आ. @Awhadspeaks pic.twitter.com/428HlhGGzW

— NCP (@NCPspeaks) November 28, 2018

हा वृत्तपत्र, अभिव्यक्ती स्वातंत्र्याचा खून आहे असे आव्हाड म्हणाले. सरकारच्या आदेशावरुन पोलिसांनी असे करायचे ठरवले. आंदोलनकर्त्यांना भेटण्याचीही परवानगी मिळणार नसेल तर महाराष्ट्र कुठल्या दिशेने चाललाय ? असा सवाल त्यांनी उपस्थित केला.

सरकार हमसे डरती हैं, पोलिसको को आगे करती हैं  ही आम्ही घोषणा देतो त्यात काय चुकीचे आहे असे आव्हाड म्हणाले. राष्ट्रवादी काँग्रेस आणि काँग्रेस आम्ही  या घटनेचा निषेध करतो. ज्या उपनिरिक्षकाने हात उगारला त्याची सरकारने त्वरित बदली करावी, निलंबन करावे अशी मागणी आव्हाड यांनी केली.