राज्याचे मुख्यमंत्री एकनाथ शिंदे यांनी पुढील दोन वर्षात मुंबईतील रस्ते खड्डेमुक्त करणार असल्याची घोषणा केली आहे. मुंबईतील सर्व रस्त्यांचे काँक्रीटीकरण करण्याचं उद्दीष्ट असल्याचं एकनाथ शिंदे यांनी सांगितलं आहे. दरम्यान एकनाथ शिंदे यांच्या या वक्तव्यावर राष्ट्रवादी काँग्रेसने टीका केली आहे. गेली अडीच वर्ष नगरविकास खात्याचे मंत्री असताना हे काम का केलं नाही? अशी विचारणा राष्ट्रवादी काँग्रेसचे प्रवक्ते महेश तपासे यांनी केली आहे.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

“येत्या दोन वर्षात मुंबई शहरातील सर्व रस्ते खड्डेमुक्त करु अशी घोषणा राज्याचे मुख्यमंत्री एकनाथ शिंदे यांनी केली आहे. महाविकास आघाडी सरकारमध्ये आपण अडीच वर्ष नगरविकास विभागाचे मंत्री होतात. राज्यातील नगरपालिका, महानगरपालिका हे सर्व आपल्या अधिपत्याखाली काम करत होते. त्यावेळी मुंबई शहरातील रस्ते खड्डेमुक्त का नाही केले? हा प्रश्न मुंबईच्या नागरिकांच्या मनात निर्माण झालेला आहे,” असं महेश तपासे म्हणाले आहेत.

आणखी वाचा

दोन वर्षांत मुंबईतील रस्ते खड्डेमुक्त!; मुख्यमंत्र्यांच्या आढावा बैठकीत महापालिका आयुक्तांची ग्वाही

“खड्डेमुक्तीची घोषणा करता याचा अर्थ असा आहे की, गेल्या अडीच वर्षामध्ये नगरविकास खात्याचे मंत्री होतात, त्या कार्यकाळामध्ये मुंबई शहरासाठी, रस्त्यांसाठी काही झालं नाही का? ही त्याची कबुली आहे का अशी विचारणा महाराष्ट्रातली जनता करत आहेत,” अशी टीकाही त्यांनी केली.

मुंबईतील रस्त्यांची कामे आणि रस्त्यांचे सिमेंट काँक्रीटीकरण करण्याच्या कामांचा मुख्यमंत्री एकनाथ शिंदे यांनी शनिवारी आढावा घेतला. त्या वेळी मुंबईतील रस्ते सिमेंट काँक्रीटीकरणाला वेग देण्यात आला असून येत्या दोन वर्षांत सर्व कामे पूर्ण होऊन मुंबई खड्डेमुक्त होईल, असा विश्वास महानगरपालिका आयुक्त डॉ. इकबाल सिंह चहल यांनी व्यक्त केला.

सिमेंट काँक्रीटच्या रस्त्यांवर पावसामुळे खड्डे पडण्याचे प्रमाण अत्यल्प असून पर्यायाने परीक्षणाचा खर्चदेखील कमी होतो. त्यामुळे मुंबईत टप्प्याटप्प्याने सिमेंट काँक्रीटचे रस्ते तयार केले जात आहेत. मुंबईत आतापर्यंत सुमारे ९८९.८४ किलोमीटर लांबीच्या रस्त्यांचे सिमेंट काँक्रीटीकरण पूर्ण झाले आहे. उर्वरित रस्त्यांचेही टप्प्याटप्प्याने सिमेंट काँक्रीटीकरण केले जात आहे.

२०२२-२०२३ मध्ये २३६.५८ लांबीच्या रस्त्यांचे सिमेंट काँक्रीटीकरण काम सुरू आहे. त्यासाठी २ हजार २०० कोटी रुपयांचा खर्च होत आहे, तर आणखी ४०० किलोमीटर लांबीच्या रस्त्यांचे काम याच वर्षी प्रस्तावित आहे. उर्वरित ४२३.५१ किलोमीटर लांबीच्या रस्त्यांचे सिमेंट काँक्रीटीकरणदेखील पुढच्याच वर्षी म्हणजे २०२३-२०२४ मध्ये हाती घेण्यात येणार आहेत. त्यामुळे पुढील दोन वर्षांत मुंबईतील रस्ते खड्डेमुक्त होतील, अशी माहिती आयुक्तांनी या बैठकीत दिली.

“येत्या दोन वर्षात मुंबई शहरातील सर्व रस्ते खड्डेमुक्त करु अशी घोषणा राज्याचे मुख्यमंत्री एकनाथ शिंदे यांनी केली आहे. महाविकास आघाडी सरकारमध्ये आपण अडीच वर्ष नगरविकास विभागाचे मंत्री होतात. राज्यातील नगरपालिका, महानगरपालिका हे सर्व आपल्या अधिपत्याखाली काम करत होते. त्यावेळी मुंबई शहरातील रस्ते खड्डेमुक्त का नाही केले? हा प्रश्न मुंबईच्या नागरिकांच्या मनात निर्माण झालेला आहे,” असं महेश तपासे म्हणाले आहेत.

आणखी वाचा

दोन वर्षांत मुंबईतील रस्ते खड्डेमुक्त!; मुख्यमंत्र्यांच्या आढावा बैठकीत महापालिका आयुक्तांची ग्वाही

“खड्डेमुक्तीची घोषणा करता याचा अर्थ असा आहे की, गेल्या अडीच वर्षामध्ये नगरविकास खात्याचे मंत्री होतात, त्या कार्यकाळामध्ये मुंबई शहरासाठी, रस्त्यांसाठी काही झालं नाही का? ही त्याची कबुली आहे का अशी विचारणा महाराष्ट्रातली जनता करत आहेत,” अशी टीकाही त्यांनी केली.

मुंबईतील रस्त्यांची कामे आणि रस्त्यांचे सिमेंट काँक्रीटीकरण करण्याच्या कामांचा मुख्यमंत्री एकनाथ शिंदे यांनी शनिवारी आढावा घेतला. त्या वेळी मुंबईतील रस्ते सिमेंट काँक्रीटीकरणाला वेग देण्यात आला असून येत्या दोन वर्षांत सर्व कामे पूर्ण होऊन मुंबई खड्डेमुक्त होईल, असा विश्वास महानगरपालिका आयुक्त डॉ. इकबाल सिंह चहल यांनी व्यक्त केला.

सिमेंट काँक्रीटच्या रस्त्यांवर पावसामुळे खड्डे पडण्याचे प्रमाण अत्यल्प असून पर्यायाने परीक्षणाचा खर्चदेखील कमी होतो. त्यामुळे मुंबईत टप्प्याटप्प्याने सिमेंट काँक्रीटचे रस्ते तयार केले जात आहेत. मुंबईत आतापर्यंत सुमारे ९८९.८४ किलोमीटर लांबीच्या रस्त्यांचे सिमेंट काँक्रीटीकरण पूर्ण झाले आहे. उर्वरित रस्त्यांचेही टप्प्याटप्प्याने सिमेंट काँक्रीटीकरण केले जात आहे.

२०२२-२०२३ मध्ये २३६.५८ लांबीच्या रस्त्यांचे सिमेंट काँक्रीटीकरण काम सुरू आहे. त्यासाठी २ हजार २०० कोटी रुपयांचा खर्च होत आहे, तर आणखी ४०० किलोमीटर लांबीच्या रस्त्यांचे काम याच वर्षी प्रस्तावित आहे. उर्वरित ४२३.५१ किलोमीटर लांबीच्या रस्त्यांचे सिमेंट काँक्रीटीकरणदेखील पुढच्याच वर्षी म्हणजे २०२३-२०२४ मध्ये हाती घेण्यात येणार आहेत. त्यामुळे पुढील दोन वर्षांत मुंबईतील रस्ते खड्डेमुक्त होतील, अशी माहिती आयुक्तांनी या बैठकीत दिली.