अर्थशास्त्राचे प्राध्यापक डॉ. नीरज हातेकर यांचे निलंबन मागे घेण्यात यावे, यासाठी विविध विद्यापीठांमधील शिक्षक संघटनांनी कुलगुरू राजन वेळुकर आणि राज्यपाल के. शंकरनारायणन यांना पत्र लिहिले आहे. डॉ. बाबासाहेब आंबेडकर मराठवाडा विद्यापीठ शिक्षण संघटनेने डॉ. हातेकर यांच्या बेकायदा व अनैतिक निलंबनाला विरोध दर्शविला आहे. संघटनेतर्फे या संदर्भात राज्यपालांना पत्र लिहून नाराजी व्यक्त करण्यात आली आहे.या शिवाय मुंबई विद्यापीठातील ४८ शिक्षकांनी हातेकर यांचे निलंबन मागे घेण्यासंदर्भात कुलगुरूंना पत्र लिहिले आहे. हातेकर यांच्या निलंबनाबद्दल तीव्र नाराजी व्यक्त करत हातेकर यांच्या बाजूने आम्ही ठामपणे उभे राहण्याची भूमिका घेतली आहे.
