“…कारण पुढचा नंबर उद्धव ठाकरे आणि कुटुंबाचा असू शकतो”; संजय राऊतांचा उल्लेख करत निलेश राणेंनी केलेलं ‘ते’ ट्विट चर्चेत

पत्राचाळ घोटाळा प्रकरणी रविवारी संजय राऊत यांच्यावर ईडीकडून कारवाई करण्यात आली. रविवारी सकाळी सात वाजता ईडीची टीम संजय राऊत यांच्या भांडूप येथील निवास्थानी पोहोचली होती. या ठिकाणी तब्बल नऊ तास संजय राऊत यांच्यसह त्यांच्या पत्नीची चौकशी करण्यात आली. नऊ तासानंतर ईडीने संजय राऊत यांना ताब्यात घेतले. तसेच त्यांची ईडी कार्यालयात नेऊन पुन्हा चौकशी देखील करण्यात आलीय अखेर रात्री उशीरा संजय राऊत यांना अटक करण्यात आली. रविवारी संजय राऊत यांना ताब्यात घेतल्यानंतर त्यांच्या आईंना अश्रू अनावर झाले होते. राऊत यांच्या आईचे घराच्या खिडकीत उभं राहून आश्रू पुसतानाचे फोटो समाज माध्यमांमध्ये चर्चेचा विषय ठरले.

आणखी वाचा

रश्मी शुक्लांना हटवल्यानंतर राज्याचं पोलीस दल ‘या’ वरीष्ठ IPS अधिकाऱ्याच्या हाती!

मांडूळ सापावर औषधांचा प्रयोग, दुतोंड्या हा गैरसमज

Salman Khan Threat : सलमान खानला धमकी देणाऱ्या तरुणाला ‘या’ राज्यातून करण्यात आली अटक, ५ कोटींची मागितली खंडणी

फिल्मसिटी मार्गावर कचऱ्याचे ढीग; समाजमाध्यमावर चित्रे प्रसिद्ध होताच कचऱ्याची विल्हेवाट

आतषबाजीत मुक्या प्राण्यांची फरपट, दिवाळीच्या चार दिवसांत ३१ प्राणी व पक्षी जखमी

बेस्ट कर्मचाऱ्यांना अखेर बोनस! ‘लोकसत्ता’च्या बातमीनंतर ८० कोटी प्रशासनाच्या खात्यात

दिवाळीनंतरही मुंबईतील हवेच्या गुणवत्तेत सुधारणा नाहीच!, सलग पाच दिवसांच्या घसरणीमुळे अशुद्ध हवा

बुद्धविहारात मतांसाठी मनधरणी, लोकसभेतील अनुभवानंतर शिवसेना (एकनाथ शिंदे) पक्षाची सावध भूमिका

Poonam Mahajan : “आजही आठवतं, वडिलांचं रक्त माझ्या हातांना लागलं होतं…”, पूनम महाजन प्रमोद महाजनांच्या आठवणींत भावूक

याच पार्श्वभूमीवर उद्धव ठाकरे राऊत यांच्या कुटुंबियांची त्यांच्या घरी जाऊन भेट घेणार असल्याची माहिती सोमवारी सकाळी समोर आल्यानंतर निलेश राणेंनी ट्विटरवरुन यासंदर्भात प्रतिक्रिया नोंदवली होती. “दुसऱ्यांच्या घरात पण आई असते. मागच्या अडीच वर्षात दुसऱ्यांच्या आईंना किती त्रास दिला ठाकरे सरकारने हे संजय राऊत यांनी विसरता कामा नये,” असा टोला निलेश राणेंनी लगावला. याच ट्विटमध्ये पुढे निलेश राणेंनी, “हेच उद्धव ठाकरे आणि कुटुंबाला पण लागू होतं, कारण पुढचा नंबर त्यांचा असू शकतो,” असंही म्हटलं.

संजय राऊत यांना झालेल्या अटकेच्या पार्श्वभूमीवर उद्धव ठाकरे त्यांच्या परिवाराला धीर देण्यासाठी भांडूप येथील घरी गेले होते. यावेळी त्यांनी संजय राऊत यांच्या आईची भेट घेतली. तसेच त्यांच्या कुटुंबियांनादेखील धीर देण्याचा प्रयत्न केला. ”संकटाच्या काळात मी तुमच्या सोबत आहे”, असा शब्द त्यांनी संजय राऊत यांच्या कुटुंबियांना दिला.