अमराठी नामफलक कारवाई, ३६ हजारांहून अधिक दुकाने व आस्थापनांची तपासणी

मुंबई : दुकाने व आस्थानपनांवर मराठी भाषेत नामफलक लावण्यासाठी दिलेली मुदत संपल्यामुळे पालिका प्रशासनाने २८ नोव्हेंबरपासून मुंबईतील सर्व दुकाने व आस्थापनांची झाडाझडती सुरु असून गेल्या पंधरा दिवसात पालिकेने ३६ हजारांहून अधिक दुकाने व आस्थापनांची तपासणी केली आहे. या तपासणीत ३५ हजारांहून अधिक दुकाने व आस्थापनांनी मराठी फलकांची अंमलबजावणी केली असल्याचे निदर्शनास आले आहे.

आणखी वाचा

मुंबई: तोतया डॉक्टरकडून शस्त्रक्रियेच्या नावाखाली वयोवृद्ध महिलेची लाखोंची फसवणूक

बाबा सिद्दिकी हत्या प्रकरणः आणखी एका आरोपीला अटक

हरित लवादामुळे राज्यातील गृहप्रकल्प पुन्हा रखडणार!

महाराष्ट्र सरकार आरोग्य क्षेत्रात ‘अनुत्तीर्ण’, जन आरोग्य अभियानच्या सर्वेक्षणात १०० पैकी २३ गुण

शिवडी, वरळी बीकेसीत अशुद्ध हवा, मुंबईची हवा गुणवत्ता खालावली

नवीन महाबळेश्वरला केवळ १०० सूचना-हरकती, आराखड्यावर सूचना-हरकती नोंदविण्यासाठी अखेरचे ४ दिवस

माथेरानच्या राणीची आजपासून सफर

प्रमुख पक्षांकडून ‘वरळी’कर उमेदवारच नाही

बिष्णोई टोळीच्या नावाने आता फॅशन डिझायनरला दूरध्वनी, ५५ लाख रुपयांची मागणी

सर्वोच्च न्यायालयाने दिलेल्या निर्देशानुसार दुकानांवर मराठी देवनागरी ठळक लिपीत नावे लिहिणे अपरिहार्य करण्यात आले आहे. तसेच, दुकाने व आस्थापनांना मराठी नामफलक लावण्यासाठी दिलेली मुदत संपुष्टात आल्याने मुंबई महानगरपालिकेने २८ नोव्हेंबरपासून नियमपालन न केलेल्या दुकानांवर कारवाई करण्यास सुरुवात केली आहे. नियमपालन न केलेल्या दुकानांवर महाराष्ट्र दुकाने व आस्थापना अधिनियमातील ततुदीनुसार दंडात्मक कारवाई करण्यात येत आहे. कारवाईच्या पहिल्याच दिवशी पालिका प्रशासनाने एकूण ३२६९ दुकाने व आस्थापनांची तपासणी करून १७६ दुकानांवर कारवाई केली. पालिकेच्या २४ विभागांमध्ये बुधवारी १३ डिसेंबर रोजी पालिकेने ३४३२ दुकानांची झाडाझडती घेतली. यावेळी ३२९९ दुकाने व आस्थापनांनी मराठी नामफलक लावल्याचे आढळून आले. तर, केवळ १३६ दुकाने व आस्थापनांनी नियमांची अंमलबजावणी केली नसल्याचे समोर आले.

आणखी वाचा-मुंबई : घनकचरा विभागाच्या उपायुक्तांची तडकाफडकी बदली

मुंबई महानगरपालिकेने कारवाईच्या पहिल्या दिवसापासून १३ डिसेंबरपर्यंत पालिकेच्या २४ विभागांमधील ३६ हजार ९५७ दुकाने व आस्थापनांची तपासणी केली. त्यापैकी ३५ हजार २१५ दुकानांनी मराठी नामफलक लावल्याचे समोर आले असून १७४२ दुकाने व आस्थापनांनी मराठी नामफलकाच्या नियमांची पायमल्ली केली आहे.