राजकीय पिळवणुकीच्या विरोधात ओबीसींची लढाई

विधानसभा निवडणूक डोळ्यासमोर ठेवून मराठा व मुस्लिम समाजाला आरक्षण जाहीर करून विविध समाज घटकांना खुश करण्याचा सत्ताधारी काँग्रेस-राष्ट्रवादी काँग्रेसचा प्रयत्न सुरू असतानाच आता राज्यातील इतर मागास वर्ग (ओबीसी) सरकारच्या विरोधात दंड थोपटून उभा राहिला आहे.
ओबीसींची राजकीय पिळवणूक करणाऱ्या प्रस्थापित राजकीय पक्षांना धडा  शिकवण्यासाठी ओबीसी बांधव निवडणुकीच्या मैदानात उतरतील, अशी घोषणा सत्यशोधक ओबीसी परिषदेचे अध्यक्ष हनुमंत उपरे यांनी गुरुवारी पत्रकार परिषदेत केली.