एखाद्या पोलीस अधिकाऱ्याने कितीही शौर्य गाजविले, पण त्या जिल्ह्यातील गुन्हा सिद्ध होऊन शिक्षेचे प्रमाण कमी असल्यास त्याच्या शौर्याचे यापुढे कौतुक होणार नाही. कारण शिक्षेचे प्रमाण कमी असलेल्या शेवटच्या तीन जिल्ह्यांमधील अधिकाऱ्यांना कोणतेही पदक वा गौरव करायचा नाही, असे फर्मान गृहमंत्री आर. आर. पाटील यांनी सोडले आहे.
देशात अन्य राज्यांच्या तुलनेत महाराष्ट्रात गुन्हे सिद्ध होऊन शिक्षा होण्याचे प्रमाण कमी आहे. गेल्या वर्षी राज्यात एकूण गुन्ह्यांच्या तुलनेत शिक्षा होण्याचे प्रमाण हे अवघे आठ टक्के होते. चालू वर्षांत हे प्रमाण आतापर्यंत १५ टक्क्यांवर गेले आहे. शिक्षा होण्याच्या प्रमाणात सगळ्यात मागे असलेली नऊपैकी तीन आयुक्तालये आणि अन्य जिल्ह्यांतील शेवटच्या तीन ठिकाणच्या पोलीस अधिकारी किंवा कर्मचाऱ्यांचा कोणत्याही पोलीस पदाकाकरिता विचार होणार नाही, असा निर्णय घेण्यात आल्याचे गृहमंत्री आर. आर. पाटील यांनी सांगितले.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
