प्राण्यांच्या दहनवाहिनीच्या खर्चात बचत, गॅसची देयके १ लाखावरून ४० हजारांवर; दिवसातून दोनवेळा दहनविधी

पालिकेचे पशुवैद्याकीय आरोग्य खाते आणि ‘पी’ उत्तर विभाग कार्यालय यांनी मिळून मालाड येथील एव्हरशाइन नगरात १५ सप्टेंबर २०२३ रोजी प्राण्यांसाठी दहनवाहिनी सुरू करण्यात आली. मृत प्राण्यांचे शास्त्रोक्त व पर्यावरणपूरक पद्धतीने दहन करावे, अशी मागणी प्राणीप्रेमींकडून केली जात होती. त्यानुसार पालिकेने दहनवाहिनीसाठी नैसर्गिक वायूचा वापर सुरू केला. विनाशुल्क या ठिकाणी मोफत दहनविधी सेवा पुरविली जाते. या दहनवाहिनीची ५० किलोची क्षमता असून एकाच वेळी १० ते १२ किलोच्या पाच प्राण्यांवर दहनविधी करणे शक्य आहे. सुरुवातीला सकाळी १० ते सायंकाळी ६ या कालावधीत प्राण्यांवर दहनविधी केले जात होते. दहनविधीपूर्वी १ ते दीड तास यंत्रणा सुरू ठेवणे आवश्यक असते. त्यामुळे दहनासाठी कुठल्याही क्षणी प्राणी आणले जाण्याची शक्यता असल्याने दिवसभर संबंधित यंत्रणा सुरू ठेवली जात होती. मात्र, महिन्यानंतर नैसर्गिक वायूपोटी सुमारे १ लाख रुपये खर्च आला.

नक्की वाचा

दालन, बंगले वाटपावरून धुसफूस

Chastity Belt: योनी शुचिता पट्ट्याचा इतिहास आणि त्यामागील…

Maharashtra News LIVE Updates : लाडकी बहिण योजनेसंदर्भात आदिती तटकरे यांनी दिली महत्वाची अपडेट…

Suresh Dhas : संतोष देशमुख हत्या प्रकरण; सुरेश धस म्हणाले, “बीडमध्ये गँग्ज ऑफ वासेपूर सुरु आहे, आका…”

Gopal Shetty: अर्ज मागे घेण्यासाठी ईडीची चौकशी लागणार? गोपाळ शेट्टी यांनी देवेंद्र फडणवीसांबद्दल म्हटले…

Sarangi Mahajan : सारंगी महाजन यांचा आरोप; “धनंजय आणि पंकजा मुंडे या दोघांनी माझी जमीन लाटली, आणि..”

मंत्रालयातील सहावा मजला अभ्यागतांसाठी बंद?

Sanjay Raut : संजय राऊतांची देवेंद्र फडणवीसांवर टीका, “भुजबळांना डावललं पण बीड प्रकरणामागे असल्याचा संशय ज्यांच्यावर असे लोक..”

हेही वाचा…दालन, बंगले वाटपावरून धुसफूस

मात्र महापालिका अधिकाऱ्यांनी दिवसातून केवळ दोन वेळा प्राण्यांवर दहनविधी करण्याचा निर्णय घेतला. त्यामुळे दहनविधीसाठी दुपारी १२ ते २ आणि सायंकाळी ४ ते ६ ही वेळ निश्चित करण्यास आली. या निर्णयाची काटेकोरपणे अंमलबजावणीनंतर खर्चात मोठी बचत झाल्याचे निदर्शनास आले.

हेही वाचा…मंत्रालयातील सहावा मजला अभ्यागतांसाठी बंद?

दहनवाहिनी पुन्हा सुरू

महानगरपालिकेतर्फे मालाड येथील प्राण्यांची दहनवाहिनी देखभालीच्या कामांसाठी २ डिसेंबरपासून बंद ठेवण्यात आली होती. मात्र, देखभालीची सर्व कामे पूर्ण झाल्यामुळे आता प्राण्यांची दहनवाहिनी पुन्हा सुरू करण्यात आली आहे. नागरिकांना आधारकार्ड, पॅनकार्ड, वाहन परवाना, रेशनकार्ड यापैकी एक आणि पारपत्र (पासपोर्ट), वाहन परवाना, वीज देयक, पाणी देयक यापैकी एक ओळखपत्र सादर करणे आवश्यक आहे. प्राणिप्रेमी असल्यास भारतीय जीवजंतू मंडळाने दिलेले कोणतेही एक ओळखपत्र सादर करून मृत प्राण्यांवर दहनविधी करता येतात.