अभिनेत्री करिष्मा तन्नाचा पती आणि अभिनेता समीर कोचर यांची एक कोटींची फसवणूक

मुंबई : अभिनेत्री करिष्मा तन्नाचा पती वरूण बंगेरा व अभिनेता समीर कोचर यांनी एक कोटी रुपयांची फसवणूक झाल्याची तक्रार अंधेरी पोलिसांकडे केली असून याप्रकरणी पोलिसांनी बांधकाम व्यावसायिक दाम्पत्याविरोधात गुन्हा दाखल केला आहे. वांद्रे येथे सदनिका देण्याच्या नावाखाली फसवणूक करण्यात आल्याचा आरोप आहे.

आणखी वाचा

शहरात ज्येष्ठ नागरिकांच्या फसवणुकीचे सत्र कायम, सिंहगड रस्ता, कोंढवा भागातील घटना

D. Y. Chandrachud : संजय राऊतांच्या टीकेवर माजी…

पुणे: अपहरणानंतर तासाभरात शासकीय ठेकेदाराचा निर्घृण खून, विठ्ठल पोळेकर खून प्रकरणात तिघे अटकेत; मुख्य सूत्रधार पसार

बाबा सिद्दीकी हत्या प्रकरण: आरोपींना आर्थिक मदत करणाऱ्याला अटक

बाबा सिद्दीकी हत्या प्रकरण : आकाशदीप गिलला पंजाबमधून अटक

अभिनेत्री दिशा पटानीच्या वडिलांची फसवणूक; बढती देण्याचं आमिष दाखवत २५ लाख लुबाडले

‘महाराष्ट्राची हास्यजत्रा’मध्ये प्रेक्षकांना खळखळून हसवणाऱ्या ‘या’ अभिनेत्रीला ओळखलंत का?

आणखी वाचा-संजय राऊतांबाबत आक्षेपार्ह वक्तव्य : नितेश राणेंच्या नावे जामीनपात्र वॉरंट

प्रोनित प्रेम नाथ व पत्नी अमीषा यांच्याविरोधात अंधेरी पोलीस ठाण्यात गुन्हा दाखल करण्याच आला आहे. तक्रारदार अभिनेता समीर कोचर याने पोलिसांकडे तक्रार केली होती. तक्रारीनुसार कोचर व करिष्मा तन्नाचा पती वरूण बंगेरा यांनी डिसेंबर २०२० मध्ये वांद्रे येथे सदनिका खरेदी करण्याचा निर्णय घेतला होता. त्यावेळी वांद्रे पश्चिम येथील पाली गाव परिसरात प्रोनित नाथ व त्याची पत्नी अमिषा चार मजल्यांची इमारत बांधत असल्याची माहिती मिळाली होती. त्यानुसार कोचरने एक कोटी ९५ लाख रुपये व बंगेरा याने ९० लाख रुपयांत सदनिका खरेदी करण्याचा निर्णय घेतला. त्यासाठी कोचरने ५८ लाख ५० हजार रुपये व बंगेराने ४४ लाख ६६ हजार रुपये भरले. त्यानंतर जून २०२३ मध्ये आरोपीने आपल्याला सदनिका विकायच्या नसल्याचे कळवले. त्यानंतर त्यांनी उच्च न्यायालयात धाव घेतली. त्यावेळी संबंधित सदनिका अन्य कोणाला तरी विकण्यात आल्याचे लक्षात आले. त्यानंतर त्यांनी याप्रकरणी अंधेरी पोलिसांकडे तक्रार केली.