मुंबई : एक हजार लिटर भेसळयुक्त दुध जप्त ; सहा जणांना अटक

दूधामध्ये अशुद्ध पाणी मिसळून त्याची विक्री करणाऱ्या सहा जणांना गुन्हे शाखेच्या नियंत्रण कक्षाने गुरूवारी अटक केली. आरोपींकडून एक हजार लिटरहून अधिक भेसळयुक्त दूध जप्त करण्यात आले.धारावी येथील संत कबीर मार्गाजवळीत गोपाळनगर येथे अमुल, गोकूळ आदी नामांकीत कंपन्यांच्या दुधाच्या पिशव्यांमध्ये अशुद्ध पाणी भरून त्यांची विक्री करण्यात येत असल्याची माहिती गुन्हे शाखेच्या नियंत्रण कक्षाचे प्रभारी पोलीस निरीक्षक नितीन पाटील व त्यांच्या पथकाला मिळाली होती.