मराठा आरक्षणाबाबत जाहिरातीवर विरोधकांची टीका;ईडब्ल्यूएस आरक्षणाचा मराठा समाजालाच सर्वाधिक लाभ -सरकारचा दावा

आर्थिक दुर्बल घटकांसाठीच्या (ईडब्ल्यूएस) आरक्षणाचा सर्वाधिक लाभ मराठा समाजाला मिळाला असून शिक्षणात ३१ हजार विद्यार्थ्यांपैकी ७८ टक्के विद्यार्थ्यांना प्रवेश मिळाले, तर शासकीय नोकऱ्यांमध्ये ६५० उमेदवारांपैकी ८५ टक्के विद्यार्थ्यांना नोकरी मिळाली आहे. राजर्षी शाहू शिक्षण शिष्यवृत्ती योजनेत १७ लाख ५४ हजार ४९४ विद्यार्थ्यांना नऊ हजार २६२ कोटी रुपयांचा निधी वितरित करण्यात आला असल्याची जाहिरात सरकारने प्रसिद्ध केली. यावर मराठा समाजाला ईडब्ल्यूएस आरक्षणाचा पर्याय मान्य नसल्याचे अशोक चव्हाण यांनी म्हटले आहे. मराठा समाजाने आरक्षण मागण्याऐवजी १० टक्के आर्थिक दुर्बल घटकांच्या आरक्षणाचा पर्याय निवडावा, अशी राज्य सरकारची भूमिका आहे का, असा सवाल त्यांनी केला. मराठा आरक्षणाबाबत समाजाच्या भावना अतिशय तीव्र आहेत. राज्य सरकारने रोष लक्षात घ्यावा, असे चव्हाण म्हणाले.

आणखी वाचा

अकोटमध्ये जातीय राजकारण कुणाच्या पथ्यावर?

Nana Patole : निकालाआधी राजकीय घडामोडींना वेग; यातच…

मराठा समाज ८० टक्के हिंदुत्ववादी; महायुतीलाच पाठिंबा मिळेल!उपमुख्यमंत्री देवेंद्र फडणवीस यांना ठाम विश्वास

अग्रलेख: नक्की काय बुलडोझ झाले?

बाबासाहेबांचे वारसदार कोण? आंबेडकर की गवई?

लक्षवेधी लढत : कुडाळमध्ये राणेंच्या वर्चस्वाचा कस

मुस्लिमांना आरक्षण मिळू देणार नाही; केंद्रीय मंत्री अमित शहा यांचे परखड प्रतिपादन

हेही वाचा >>>म्हाडा पुणे मंडळाच्या ५८६३ घरांच्या सोडतीच्या अर्जविक्री-स्वीकृतीला ३१ ऑक्टोबरपर्यंत मुदतवाढ

आर्थिक दुर्बल घटकांना १० टक्के आरक्षण देताना केंद्र सरकारने घटना दुरुस्ती केली. मराठा आरक्षणालाही अशाच पद्धतीने घटनात्मक संरक्षण द्यावे. संसदेत घटना दुरुस्ती करून ५० टक्के आरक्षण मर्यादा शिथिल करावी.- अशोक चव्हाण, माजी मुख्यमंत्री

‘इडब्ल्यूएस’ आरक्षणाचा फायदा सर्वानाच आहे. आमच्याशिवाय इतरांसाठीही ‘सारथी’सारख्या संस्था आहेत. कुणी मागितलं होतं तुम्हाला ‘ईडब्ल्यूएस’मधून आरक्षण? मराठा समाजास सरसकट कुणबी प्रमाणपत्र देऊन ओबीसीमध्ये आरक्षण द्या. – मनोज जरांगे-पाटील, मराठा आरक्षण आंदोलक