महापरिनिर्वाण दिनानिमित्त रेल्वे पोलिसांनी केलेले नियोजन अयशस्वी; ये-जा करण्याचे मुख्य मार्गच बंद

मुंबई : महापरिनिर्वाण दिनानिमित्त लाखोंच्या संख्येने डॉ. बाबासाहेब आंबेडकर यांचे अनुयायी दादर येथील चैत्यभूमी येथे दाखल होण्यास सुरूवात झाली आहे. मात्र, या पार्श्वभूमीवर रेल्वे पोलीस आणि इतर प्रशासनाने केलेले नियोजन फारसे यशस्वी ठरल्याचे दिसत नाही. प्रवासी आणि अनुयायांना ये-जा करणाऱ्यासाठी अनेक पूल, प्रवेशद्वार बंद केल्याने दादर स्थानक परिसरात गर्दी झाली आहे. तसेच शहराच्या पूर्व- पश्चिम भागांत जा-ये करण्यासाठी अनुयायांना दादर स्थानकाला संपूर्ण वळसा घालून जावे लागत आहे.

मध्य व पश्चिम रेल्वेवरील दादर स्थानकातील पूर्व-पश्चिम जोडणारा मध्य मोठा पूल व फलाट क्रमांक ६ वरील सर्व प्रवेशद्वारे ५ डिसेंबर रोजी रात्री १२ वाजल्यापासून बंद करण्यात आली आहेत. हा पूल पूर्व-पश्चिम प्रवासातील सर्वात महत्त्वाचा पूल आहे. पूल बंद केल्याने प्रवाशांना आणि अनुयायांना परळ आणि माटुंगा दिशेकडील पूल खुले केले आहेत. मात्र प्रवाशांना, अनुयायांना तेथे जाणे अडचणीचे ठरत आहे. परिणामी, पोलीस आणि प्रवासी यांचे सध्या खटके उडताना, वादविवाद होत असताना दिसून येत आहे.

आणखी वाचा

कर्नाक पूल जूनमध्ये सुरु होणार; पुलाच्या कामाची अतिरिक्त आयुक्तांनी केली पाहणी

Madhuri Dixit : डर चित्रपट माधुरी दीक्षितने का…

ठाण्यात शुक्रवारी पाणी नाही; काही भागात दोन दिवस टप्प्याटप्प्याने होणार पाणीपुरवठा

कोकण, गोव्यासाठी विशेष रेल्वेगाड्या

रिंग रोडसाठी २०० हेक्टर भूसंपादन बाकी; ५०० कोटींच्या निधीची रस्ते विकास महामंडळाकडे मागणी

फ्लेमिंगोंच्या अधिवासात रस्ता नको, राज्य सरकारच्या पाहणी पथकाच्या अहवालात खाडीकिनारचा रस्ता बंद करण्याची शिफारस

ठाणे रेल्वे स्थानकात प्रवाशांचा गोंधळ; अचानक मुंबई दिशेकडे जाणारी लोकल लावल्याने प्रवाशांमध्ये संभ्रम

परळीतून भाजप नेत्याच्या मुलाचे अपहरण; दोन कोटींच्या खंडणीची मागणी