मुंबई: वातानुकूलित यंत्रणा बंद पडल्याने प्रवाशांचे हाल; तांत्रिक बिघाडाने वातानुकूलित लोकलचे रुपांतर विनावातानुकूलित लोकलमध्ये

गेल्या काही दिवसांपासून उन्हाची दाहकता वाढली असून रेल्वे प्रवासी वातानुकूलित लोकलला प्राधान्य देऊ लागले आहेत. मात्र, वातानुकूलित लोकलमध्ये बिघाड होऊ लागल्यामुळे प्रवासी हैराण होत आहेत. मध्य रेल्वेवरील कळवा-मुंब्रादरम्यान गुरुवारी वातानुकूलित लोकल अचानकपणे थांबली. या लोकलचे दरवाजे उघडत नव्हते. तसेच शुक्रवारी सकाळी ७.१५ च्या विरार – चर्चगेट लोकलमध्ये तांत्रिक बिघाड झाला आणि ही लोकल विनावातानुकूलित लोकल म्हणून चालवण्यात आली. परिणामी, लोकलमध्ये ना एसी, विनातिकीट प्रवाशांना पकडण्यासाठी ना तिकीट तपासनीस (टीसी), ना कॉल पीकअप सुविधा. मात्र पश्चिम रेल्वेने प्रवाशांकडून वातानुकूलित लोकलचे जास्तीचे भाडे घेतले, अशी संतप्त प्रतिक्रिया प्रवाशांनी व्यक्त केली.

आणखी वाचा

शहरबात: धूळ प्रदूषणाने वसईची घुसमट …

Economic Survey: आर्थिक सर्वेक्षण अहवाल सांगतोय २०२५ हे…

पश्चिम दृतगती मार्गाचे काँक्रिटिकरण अशक्य; वाहतुकीच्या प्रचंड ताणामुळे केवळ पुनःपृष्टीकरण करणार

तिलारी आंतरराज्य प्रकल्पाच्या कालव्याला भगदाड; त्यामुळे रस्ता, शेती, बागायतीमध्ये पाणी

संत्री उत्पादकांसाठी १६५ कोटींचे अनुदान, राज्यशासनाची मंजुरी

नालासोपाऱ्यातील अनधिकृत इमारतीवर कारवाईला सुरुवात, रहिवाशांचा आक्रोश

तेजस एक्सप्रेसचे इंजिन बंद पडल्याने कोकण रेल्वे मार्गावरील वाहतूक विस्कळीत

प्रदूषण रोखण्यासाठी मुंबई महापालिकेचे उपाय कोणते? तरीदेखील प्रदूषण कमी का होत नाही?

https://www.loksatta.com/wp-content/uploads/2023/04/WhatsApp-Video-2023-04-21-at-4.27.32-PM.mp4

हेही वाचा >>>“संजय हा शब्दही शिवीसारखा वाटतो”; आशिष शेलारांची संजय राऊतांवर खोचक टीका, म्हणाले, “मी…”

पश्चिम रेल्वेवर सकाळपासून वातानुकूलित लोकलला विनावातानुकूलित लोकलमध्ये रूपांतरित करण्यात आले होते. या लोकलचे दरवाजे खुले ठेवून फेऱ्या चालवण्यात आल्या. पश्चिम रेल्वेच्या गलथान कारभाराची झळ दुपारच्या वेळी अधिक बसू लागली. दुपारच्या उन्हात गारेगार प्रवास होण्यासाठी प्रवासी वातानुकूलित लोकलचे तिकीट काढून या लोकलमध्ये बसत होते. मात्र, लोकलमधील वातानुकूलित यंत्रणाच बंद झाल्याने प्रवाशांना उन्हाचा दाह सोसावा लागला.

या बिघाडामुळे प्रवाशांचा एकच गोंधळ उडाला होता. त्यामुळे वसई, भाईंदर, मीरा रोड येथे वातानुकूलित लोकल वारंवार थांबवली जात होती. परिणामी, इतर लोकलचे वेळापत्रक कोलमडले. विरारहून चर्चगेटला जाणाऱ्या वातानुकूलित लोकलमध्ये बिघाड झाल्याने या मार्गावरील वाहतुकीत मोठा बदल करावा लागला. तसेच पश्चिम रेल्वच्या सात वातानुकूलित लोकल रद्द केल्या आहेत.

हेही वाचा >>>“भाजपाने काही पोपट पाळून ठेवले आहेत, त्यांना…”; ‘त्या’ विधानावरून संजय राऊतांचा राज ठाकरेंना टोला!

या वातानुकूलित लोकल झाल्या विनावातानुकूलित

सकाळी ७.१५ ची विरार – चर्चगेट लोकल
सकाळी ८.५३ ची चर्चगेट – विरार लोकल
सकाळी १०.२० ची विरार – चर्चगेट लोकल
सकाळी ११.४८ ची चर्चगेट – विरार लोकल
दुपारी १.१८ ची विरार – चर्चगेट लोकल
दुपारी २.५३ ची चर्चगेट – विरार लोकल
दुपारी ४.२० ची विरार – चर्चगेट लोकल

वातानुकूलित लोकलमधून अनेक प्रवासी विनातिकीट प्रवास करत असून या प्रवाशांना पकडण्यासाठी तिकीट तपासनीस नसतो. त्यामुळे अधिकृत प्रवाशांना उभे राहून प्रवास करण्याची वेळ येते.

पश्चिम रेल्वेने प्रवाशांना नुकसानभरपाई द्यावी

तिकीट काढून प्रवास करणाऱ्या प्रवाशांना उत्तम सेवा देण्याची जबाबदारी पश्चिम रेल्वे प्रशासनाचे आहे. मात्र, प्रशासन त्यात अपयशी ठरत आहे. त्यामुळे प्रवाशांना झालेल्या त्रासाबद्दल नुकसानभरपाई द्यावी. तसेच, एका दिवसाचे तिकिटाचे पैसे परत करावे. निष्काळजीपणाने काम करणाऱ्या अधिकाऱ्यांविरुद्ध कडक कारवाई करावी. – सुभाष गुप्ता, अध्यक्ष, रेल यात्री परिषद