लोकसत्ता खास प्रतिनिधी
मुंबई : अंधेरीत बेस्ट चालकाशी वाद घालणाऱ्या तरुणाला हटकल्याच्या राग आल्याने तरूणाने पोलिसालाच मारहाण केल्याची घटना गुरुवारी घडली. याप्रकरणी अंधेरी एमआयडीसी पोलिसांनी सरकारी कामात अडथळा निर्माण केल्याप्रकरणी गुन्हा दाखल केला असून आरोपी तुषार सावंत (२३) याला अटक केली आहे.
आणखी वाचा-खेरवाडी येथे मोटरगाडीच्या धडकेत अंध व्यक्तीचा मृत्यू
एमआयडीसी पोलीस ठाण्यात कार्यरत असलेले भगवान हबती मिसाळ (५१) यांच्या तक्रारीवरून पोलिसांनी गुन्हा नोंदवला. मिसाळ हे मरोळ मरोशी रोड परिसरात कर्तव्य बजावत असताना, सावंत हा एका बेस्ट चालकाशी वाद घालताना दिसून आला. घटनेची माहिती मिसाळ यांना मिळताच ते घटनास्थळी दाखल झाले. त्यांनी, सावंतला शांत राहण्यास सांगताच त्याने मिसाळ यांना देखील धक्काबुकी सुरु केली. शिवीगाळ करून त्यांना मारहाण केली. तसेच त्यांना धमकावले. अखेर सरकारी कामात अडथळा निर्माण केल्याप्रकरणी आरोपीला पोलिसांनी अटक केली.
मुंबई : अंधेरीत बेस्ट चालकाशी वाद घालणाऱ्या तरुणाला हटकल्याच्या राग आल्याने तरूणाने पोलिसालाच मारहाण केल्याची घटना गुरुवारी घडली. याप्रकरणी अंधेरी एमआयडीसी पोलिसांनी सरकारी कामात अडथळा निर्माण केल्याप्रकरणी गुन्हा दाखल केला असून आरोपी तुषार सावंत (२३) याला अटक केली आहे.
आणखी वाचा-खेरवाडी येथे मोटरगाडीच्या धडकेत अंध व्यक्तीचा मृत्यू
एमआयडीसी पोलीस ठाण्यात कार्यरत असलेले भगवान हबती मिसाळ (५१) यांच्या तक्रारीवरून पोलिसांनी गुन्हा नोंदवला. मिसाळ हे मरोळ मरोशी रोड परिसरात कर्तव्य बजावत असताना, सावंत हा एका बेस्ट चालकाशी वाद घालताना दिसून आला. घटनेची माहिती मिसाळ यांना मिळताच ते घटनास्थळी दाखल झाले. त्यांनी, सावंतला शांत राहण्यास सांगताच त्याने मिसाळ यांना देखील धक्काबुकी सुरु केली. शिवीगाळ करून त्यांना मारहाण केली. तसेच त्यांना धमकावले. अखेर सरकारी कामात अडथळा निर्माण केल्याप्रकरणी आरोपीला पोलिसांनी अटक केली.
