गॅलऱ्यांचा फेरा : ‘आहे हे असं आहे!’

‘रंगीत रेखाचित्रं’ आणि रंगचित्रं, या दोन्हीकडे ध्रुवी यांनी वापरलेल्या प्रतिमा या हल्ली ग्राफिक नॉव्हेलमधली पात्रं असतात, तशा आहेत. यापैकी अनेक चित्रांमध्ये एक स्त्री दिसते. ही नायिका, ही कदाचित स्वत: चित्रकर्तीचीच प्रतिमा असेल, पण ते ध्रुवी यांनी स्पष्ट केलेलं नाही. प्रत्येक चित्रातली ही स्त्री-प्रतिमा एकमेकांसारखीच आहे, असंही नाही. अनेक प्रतिमांमध्ये मानवी आकाराचं विघटन होतं आणि त्यातून गुलमोहोराच्या पाकळीसारखे किंवा अन्य कसले आकार निघतात, काही चित्रांमध्ये गुलमोहराची पाकळी हा आकारच कॉमिक बुकच्या ‘स्पीच बबल’सारखा होतो.. ध्रुवी यांनी रंगचित्रांमध्ये रंग खूप वापरलेले असतात आणि काही वेळा कॅनव्हासऐवजी लिननवर इपॉक्सीसारख्या द्रव्यानं आधी एक थर चढवून घेऊन मग रंगचित्रं केलेली असतात. चित्रांमध्ये डिझाइनचा भागही भरपूर दिसतो. अशा वैशिष्टय़ांमुळेच, ही चित्रं गंभीर नाहीत, असं प्रेक्षकांना वाटू शकेल.. पण हा समज गैरच ठरेल. ध्रुवी यांनी या प्रदर्शनात अत्यंत गंभीर विषय हाताळला आहे.

आणखी वाचा

Sai Paranjpye “अजिंठा वेरूळ आंतरराष्ट्रीय चित्रपट महोत्सवाने मराठवाड्यातील तरुणाईला सिनेसाक्षर केलं”, पद्मभूषण सई परांजपेंचे उद्गार

Jalgaon Train Accident : कर्नाटक एक्स्प्रेसच्या चालकाने भोंगा वाजवला…

“नशीब नाही प्रयत्नांचा खेळ” मगरीच्या जबड्यातून असा निसटला झेब्रा; VIDEO पाहून डोळ्यांवर विश्वास बसणार नाही

तंत्रकारण : विज्ञान – तंत्रज्ञानातून सत्तेकडे…

बापरे आता तर हद्दच पार केली! चोर आला महिलांचे वाळत घातलेले अंतर्वस्त्र घेतले अन्…VIDEO पाहून येईल संताप

उंच कड्यावर चढता चढता ती अचानक घसरली, खोल दरीत कोसळणार तेवढ्यात…. हृदयाचा थरकाप उडवणारा Video Viral

खरा ‘रँचो’ कोणता? महावीरचक्र विजेता, की मॅगसेसे विजेता? विकीपीडियाने…

‘मरण थांबवणं कोणाच्या हातात आहे…’ पर्यटकांच्या गर्दीतून वाघाने श्वानाला गाठलं; घटनेचा थरारक VIDEO पाहून अंगावर येईल काटा

जन्माचा जोडीदार, अनेक वर्षांची साथ देणारा अपघातानंतर जबर जखमी झाल्यामुळे गेला. हा अपघातही महाराष्ट्रातल्या हिल स्टेशनवर, गंमत म्हणून केलेल्या घोडेस्वारीदरम्यान घडलेला; त्यामुळे वैद्यकीय सुविधांची वानवा. हा धक्का आणि हे दु:ख विचित्र होतं.. पण त्यानंतरही जवळपास आठ र्वष गेली. तेवढय़ा काळात लोक आपल्याशी कसे वागू लागले आहेत, ‘विधवा’ या शब्दाविषयी समाजाची संकल्पना कशी जुनाटच आहे.. हे चित्रकर्तीच्या लक्षात आलं आणि त्या ‘विचित्र’ अनुभवांना चित्ररूप मिळालं.

यातून जे काही झालं आहे, ते पाहणारी माणसं चित्रांमध्ये काय काय पाहू शकतात, याची कसोटी ठरणारं आहे. ही चित्रं रूढार्थानं तंत्रशुद्ध नाहीतच, पण किती तरी गोष्टी सांगण्याची क्षमता त्यांच्यात आहे. तरीदेखील चित्रकर्तीनं काही चित्रांमध्ये शब्द वापरले आहेत. विशेषत: तीन पुरुष – त्यांच्या एका हातात सांत्वनाचं फूल आणि दुसऱ्या हातात पिस्तुलं- असं जे चित्र आहे, त्यात तर अख्खा परिच्छेदच आहे. हे शब्द बेछूट गोळीबारासारखेच आहेत, असं लक्षात आल्यावर हातातल्या पिस्तुलांचा ‘अर्थ’ समजतो. नवरा गेला, त्या दिवशीचा प्रसंग मांडणशिल्पामध्ये चित्रकर्तीनं लिहून काढला आहे. हे अख्खं मांडणशिल्प फरशीऐवजी गादी असलेल्या खोली, गादीसारख्या फोम वा कापसापासूनच बनवलेल्या खोलीतल्या सर्व वस्तू असं हे मांडणशिल्प प्रेक्षकाला ‘आत ओढणारं’ आहे.. त्याबद्दल निराळा लेखच लिहावा लागेल, इतका या खोलीभर मांडणशिल्पाचा अनुभव संपृक्त (इन्टेन्स) आहे. या खोलीच्या भिंतींवर ध्रुवी यांच्या डायरीतली अनेकानेक रेखाचित्रं आहेत, ती बाहेरच्या एकंदर ८० चित्रांपेक्षा निराळी.

हे प्रदर्शन वेळ काढून पाहण्यासारखं आहे, पण बारा नोव्हेंबरच्या शनिवारी हे प्रदर्शन कदाचित संपणार आहे. त्याला मुदतवाढ मिळू शकेल, पण कदाचितच. तेव्हा, चुकवू नका.