मुंबई : मुंबई महानगरपालिकेने जागतिक रेबीज दिनानिमित्त २८ सप्टेंबर म्हणजेच आजपासून संपूर्ण मुंबईतील भटक्या श्वानांचे रेबीज प्रतिबंध लसीकरण करण्याचा निर्णय घेतला असून पालिकेच्या सर्व प्रशासकीय विभागांत लसीकरण मोहिमेचे आयोजन करण्यात येत आहे. लसीकरण झालेल्या श्वानांची माहिती नोंदवण्यासाठी यंदा ऑनलाइन ॲप्लिकेशन तयार करण्यात आले आहे. या ऑनलाइन ॲप्लिकेशनमध्ये संबंधित श्वानाची आकडेवारी छायाचित्रासह उपलब्ध असेल.

हेही वाचा >>> वांद्रे येथील व्यावसायिकाची ६ कोटींची फसवणूक; सनदी लेखापालासह कर्नाटकात राहणाऱ्या तिघांविरोधात गुन्हा

आणखी वाचा
cycle tracks will be connected with public parks green zone and footpaths under harit setu project
पिंपरी : उद्याने, हिरवळीच्या ठिकाणांना सायकल ट्रॅक, पदपथांनी जोडणार; काय आहे हरित सेतू प्रकल्प?
china biggest dam in the world
चीनमधील ‘या’ अवाढव्य धरणामुळे पृथ्वीचा वेग मंदावला? धरणाचा…
adulterated edible oil, Food and Drug Administration,
मुंबई : भेसळयुक्त खाद्यतेल, मिरची पावडर, दुधाची विक्री करणाऱ्यांवर कारवाई; सणासुदीनिमित्त अन्न व औषध प्रशासनाची मोहीम
Trade Connect, trade, Online Forum,
व्यापाराशी निगडित माहितीसाठी ‘ट्रेड कनेक्ट’, केंद्राकडून आयात-निर्यातदारांसाठी ऑनलाइन मंच
Contractors are going to be charged twice as much for the deteriorated road repair work in Pimpri
पिंपरीतील रस्तेदुरुस्तीची निकृष्ट कामे; ठेकेदारांवर…!
Case of trees felled for construction of stations in Metro 3 project only 724 out of 3093 trees replanted
मेट्रो ३ प्रकल्पात स्थानकांच्या बांधकामासाठी झाडे तोडल्याचे प्रकरण, ३०९३ झाडांपैकी केवळ ७२४ झाडांचेच पुनर्रोपण
Offense against municipal employee refusing to sign Panchnama
पिंपरी : पंचनाम्यावर स्वाक्षरी करण्यास नकार देणार्‍या महापालिका कर्मचार्‍यावर गुन्हा
Verification of Study Level Action Plan in December sangli news
सांगली: अध्ययन स्तर कृती आराखड्याची डिसेंबरमध्ये पडताळणी

प्राणी कल्याण तसेच, प्राण्यांपासून मानवामध्ये होणारे संक्रमण टाळण्यासाठी महानगरपालिकेचे आयुक्त तथा प्रशासक भूषण गगराणी आणि अतिरिक्त महानगरपालिका आयुक्त डॉ. अश्विनी जोशी, उप आयुक्त चंदा जाधव यांच्या मार्गदर्शनाखाली विविध उपक्रम राबविले जात आहेत. श्वानांच्या चाव्यामुळे होणाऱ्या रेबीज या प्राणघातक रोगापासून बचाव, तसेच ‘रेबीजमुक्त मुंबई’च्या उद्देशाने संपूर्ण मुंबईत रेबीज प्रतिबंध लसीकरणाचा आणखी एक उपक्रम हाती घेण्यात आला आहे. रेबीज या प्राणघातक रोगासंदर्भात जनजागृती व्हावी, या उद्देशाने जागतिक आरोग्य संघटनेच्या वतीने दरवर्षी २८ सप्टेंबर रोजी आंतरराष्ट्रीय रेबीज दिनाचे आयोजन केले जाते.

हेही वाचा >>> Mumbai University Senate Election 2024 Result: मुंबई विद्यापीठ सिनेट निवडणुकीत उबाठा गटाच्या युवा सेनेचा डंका, अभाविपला धक्का

‘रेबीजचे सीमोल्लंघन’ ही यंदाच्या आंतरराष्ट्रीय रेबीज दिनाची संकल्पना आहे. याच पार्श्वभूमीवर, महानगरपालिकेच्या पशुवैद्यकीय आरोग्य विभागातर्फे यूथ ऑर्गनायझेशन इन डिफेन्स ऑफ ॲनिमल्स, यूनिव्हर्सल ॲनिमल वेल्फेअर सोसायटी आणि उत्कर्ष ग्लोबल फाऊंडेशन या संघटनांच्या सहकार्याने रेबीज प्रतिबंध लसीकरण मोहीम हाती घेण्यात आली आहे. या लसीकरण मोहिमेला शनिवार, २८ सप्टेंबरपासून सुरुवात होत असून साधारणपणे मार्च २०२५ पर्यंत मोहीम सुरू राहील. २०१४ च्या आकडेवारीनुसार, मुंबईत सुमारे ८७ हजार भटके श्वान आहेत. या आकडेवारीसह दरम्यानच्या काळात वाढलेले भटके श्वान आदींचे या मोहिमेअंतर्गत लसीकरण करण्यात येणार आहे. लसीकरण करण्यात आलेल्या भटक्या श्वानाला चिन्हांकित केले जाईल. तसेच, त्यांची संपूर्ण माहिती छायाचित्रांसह https://vhd.mcgm.gov.in/register-grievance या संकेतस्थळावर नोंदवण्यात येईल. त्यामुळे लसीकरणासंदर्भात वास्तविक माहिती उपलब्ध होऊ शकेल, असे महानगरपालिकेच्या पशुवैद्यकीय आरोग्य विभागाचे महाव्यवस्थापक डॉ. कलीमपाशा पठाण यांनी सांगितले.