“जेव्हा आम्ही सत्तेत येऊ तेव्हा रिमोट कंट्रोल…”; राज ठाकरेंच्या मार्गदर्शनानंतर संदीप देशपांडेंनी व्यक्त केला विश्वास

“सर्व महानगरपालिकेच्या सर्व जागा लढवण्याचे निर्देश राज ठाकरेंनी दिले. त्या कशा लढवायच्या यासंदर्भातील मार्गर्शन राज ठाकरेंनी केलं,” असं देशपांडे यांनी ‘टीव्ही ९ मराठी’ला दिलेल्या मुलाखतीत सांगितलं. यावर हा स्वबळाचा नारा होता का? असं विचारलं असता, “सगळ्या महानगरपालिकेतील सगळ्या जागा म्हणजे अर्थ तोच झाला,” असं देशपांडे म्हणाले.

नक्की वाचा >> “…तेव्हा राज ठाकरेंना शिव्या घालण्याचे आदेश ‘मातोश्री’वरुन आले”; शिंदे गटातील खासदाराचा खळबळजनक आरोप

तुमची विचारसरणी सकारात्मक असणं गरजेचं आहे. सत्ता येईलच असं त्यांनी काही सांगितलं का? असा प्रश्न पत्रकाराने विचारला असता देशपांडे यांनी असाच संदेश राज यांनी दिल्याचं म्हटलं. “राज यांनी तेच सांगितलं, ज्या पद्धतीचा एक प्रचार सुरु आहे खोटा आम्ही रडलो तर लोकांच्या डोळ्यात पाणी येईल. त्या खोट्या प्रचाराला बळी पडू नका. अशी कोणतीही सहानुभूतीची लाट नाही, असं राज ठाकरेंनी सांगितलं,” असं देशपांडे म्हणाले.

नक्की वाचा >> उद्धव विरुद्ध शिंदे वादात राज ठाकरे ट्रोल! रात्री आठनंतर ‘गुड मॉर्निंग’ अन् देशपांडे, काळे, शालिनीताईंना आवरण्याचा सल्ला

तसेच राज यांनी आपल्या पक्षाबद्दल लोकांमध्ये सकारात्मक भावना असल्याचा विश्वास कार्यकर्त्यांना दिल्याचंही देशपांडे म्हणाले. “महाराष्ट्र नवनिर्माण सेनेप्रती लोक पॉझिटीव्ह आहेत. आपण सत्ते येऊ असा विश्वास त्यांनी दिला,” असं देशापांडेंनी सांगितलं. त्याचप्रमाणे पुढे देशपांडे यांनी, “बाळासाहेबांचे विचार किंवा शिकवण राज यांच्या रक्तारक्तात भिनलेली आहे. बाळासाहेबांनी कधी एकतरी पद घेतलं का? तीच शिकवण राज ठाकरेंकडे आहे. सत्तेचा रिमोट कंट्रोल बाळासाहेबांनी नेहमी स्वत:कडे ठेवला. जेव्हा आम्ही सत्तेत येऊ तेव्हा रिमोट कंट्रोल राज ठाकरेंकडे असेल,” असा विश्वास देशपांडे यांनी व्यक्त केला.