राज ठाकरे यांनी हनुमान जयंतीनिमित्त देशभरातील हिंदू बांधवांना दिल्या शुभेच्छा, म्हणाले…

“देशभरातील तमाम हिंदू बांधवांना हनुमान जयंतीच्या हार्दिक शुभेच्छा!” अशा शब्दांमध्ये देशभरातील हिंदू बांधवांना राज ठाकरे यांनी शुभेच्छा दिल्या आहेत.

राज ठाकरे झाले हिंदुजननायक; पुणे दौऱ्याआधीच पोस्टरवरील उल्लेखाची चर्चा अधिक; हनुमान जयंतीला तापणार वातावरण

राज ठाकरे हे हिंदुत्वाच्या मुद्य्यावर आक्रमकपणे जाहीर भूमिका मांडताना दिसत आहेत. शिवाय, मनसे अध्यक्ष राज ठाकरे यांनी मशिदींवरील भोंगे हटवण्यासाठी राज्य सरकारला ३ मे पर्यंत अल्टिमेटम दिला आहे. त्यातच आज राज ठाकरेंच्या हस्ते हनुमान जयंती निमित्त पुण्यात महाआरती होणार आहे. ही महाआरती म्हणजे राज ठाकरेंच्या भोंग्याविरोधातील आंदोलनाची सुरुवात असल्याचं बोललं जात आहे.

पुण्यातील खालकर चौक मारुती मंदिरात राज ठाकरेंच्या हस्ते महाआरती होणार असून सामूहिक हनुमान चालिसा पठण केलं जाणार आहे. संध्याकाळी ६ वाजता ही महाआरती होणार आहे. महत्वाचं म्हणजे या पोस्टरवर राज ठाकरेंचा उल्लेख हिंदुजननायक राजसाहेब ठाकरे असा करण्यात आल्याने अधिकच चर्चा रंगलेली आहे.