मुंबई : कफ परेड परिसरात समुद्रातील बोटीत दुर्मीळ वटवाघळाचा (टिकल्स बॅट) वावर दिसून आला. ‘टिकल्स बॅट’ दाट जंगलांमध्ये आढळते. मुंबईत याआधीही या वटवाघुळाची नोंद झाल्याची माहिती अभ्यासकांनी दिली.
‘टिकल्स बॅट’ समुद्रकिनारी आढळतात अथवा शिकार करतात असा कोणताही उल्लेख नाही. शिवाय वटवाघूळ हे मुख्यत: निशाचर आहे. पहाटेला ते दृष्टीस पडत नाहीत, असे अभ्यासकांचे म्हणणे आहे. दरम्यान, बोटीत आलेले वटवाघूळ हे सकाळी निदर्शनास आले आहे. प्रथमच ते त्याच्या वास्तव्यापासून दुसऱ्या ठिकाणी म्हणजेच बोटीत आले. हे वटवाघुळ मुंबईत निदर्शनास आले. या वटवाघळाचा अधिवास राष्ट्रीय उद्यान परिसरात अपेक्षित आहे. मात्र, कफ परेड परिसरात ते दिसणे शक्य नाही. तेथे कांदळवन क्षेत्रही नाही. जोरदार वाऱ्यांमुळे ते भरकटल्याची शक्यता अभ्यासकांनी व्यक्त केली.
टिकल्सची कूळकथा
वेस्पर कुळातील एक प्रजाती आहे. बांगलादेश, कंबोडिया शक्यतो चीन, भारत, म्यानमार, थायलंड आणि श्रीलंकेमध्ये टिकल्स वटवाघूळ आढळतात. यांचा रंग सामान्यत: राखाडी पिवळा ते चमकदार सोनेरी तपकिरी असतो. तर आतील बाजूला राखाडी फिकट असते. पंखसदृश्य पडदा काळ्या रंगाचा असतो. पंख मध्यम रुंद असतात. शेपटी टोकाला पडद्यामध्ये बंद केलेली असते. नराच्या तुलनेत मादी आकाराने मोठी असते.
टिकल्स वटवाघूळ भारताच्या अनेक भागात आढळतात, परंतु ते क्वचितच दिसतात. मुंबईतील समुद्रकिनाऱ्यालगत त्याचे दर्शन घडले याबाबत आश्चर्य व्यक्त होत आहे. – रोहित चक्रवर्ती, वटवाघूळ प्रकल्प व्यवस्थापक, नेचर कॉन्झर्व्हेशन फाउंडेशन
‘टिकल्स बॅट’ समुद्रकिनारी आढळतात अथवा शिकार करतात असा कोणताही उल्लेख नाही. शिवाय वटवाघूळ हे मुख्यत: निशाचर आहे. पहाटेला ते दृष्टीस पडत नाहीत, असे अभ्यासकांचे म्हणणे आहे. दरम्यान, बोटीत आलेले वटवाघूळ हे सकाळी निदर्शनास आले आहे. प्रथमच ते त्याच्या वास्तव्यापासून दुसऱ्या ठिकाणी म्हणजेच बोटीत आले. हे वटवाघुळ मुंबईत निदर्शनास आले. या वटवाघळाचा अधिवास राष्ट्रीय उद्यान परिसरात अपेक्षित आहे. मात्र, कफ परेड परिसरात ते दिसणे शक्य नाही. तेथे कांदळवन क्षेत्रही नाही. जोरदार वाऱ्यांमुळे ते भरकटल्याची शक्यता अभ्यासकांनी व्यक्त केली.
टिकल्सची कूळकथा
वेस्पर कुळातील एक प्रजाती आहे. बांगलादेश, कंबोडिया शक्यतो चीन, भारत, म्यानमार, थायलंड आणि श्रीलंकेमध्ये टिकल्स वटवाघूळ आढळतात. यांचा रंग सामान्यत: राखाडी पिवळा ते चमकदार सोनेरी तपकिरी असतो. तर आतील बाजूला राखाडी फिकट असते. पंखसदृश्य पडदा काळ्या रंगाचा असतो. पंख मध्यम रुंद असतात. शेपटी टोकाला पडद्यामध्ये बंद केलेली असते. नराच्या तुलनेत मादी आकाराने मोठी असते.
टिकल्स वटवाघूळ भारताच्या अनेक भागात आढळतात, परंतु ते क्वचितच दिसतात. मुंबईतील समुद्रकिनाऱ्यालगत त्याचे दर्शन घडले याबाबत आश्चर्य व्यक्त होत आहे. – रोहित चक्रवर्ती, वटवाघूळ प्रकल्प व्यवस्थापक, नेचर कॉन्झर्व्हेशन फाउंडेशन
