देशाच्या ‘जर्नल ऑफ केस रिपोर्ट’मध्ये आजाराची नोंद
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
मूत्रपिंडात कर्करोगाची गाठ असलेले, याचवेळी फुप्फुसांमध्ये हवा जमा झालेली आणि शरीरावरील केसांवर कर्करोगाच्या गाठी तयार होत असलेल्या एचबीडी (बर्ट हॉग डुबे) या दुर्मीळ आजारावर कामा रुग्णालयात उपचार देण्यात आले. हा आजार अतिशय दुर्मीळ असून काही दिवसांपूर्वी या आजाराचा तपशील भारताच्या दुर्मीळ वैद्यकीय आजारांची माहिती देणाऱ्या जर्नल ऑफ केस रिपोर्टने स्वीकारले असल्याचे कामा रुग्णालयातील कर्करोग विभागाचे प्रमुख डॉ. दिलीप निकम यांनी सांगितले.
गेल्या वर्षी कामा रुग्णालयात कर्करोग विभागात एक ३० वर्षीय महिला मूत्रपिंडाच्या कर्करोगावर उपचार घेत होती. यादरम्यान तपासणीमध्ये रुग्णाच्या फुप्फुसांमध्ये हवेच्या गाठी तयार होत असल्याचे डॉक्टरांच्या लक्षात आले. रुग्णाच्या शरीरावरील केसांमध्येही छोटय़ा छोटय़ा कर्करोगाच्या गाठी तयार होत होत्या. सर्वसाधारण कर्करुग्णांमध्ये अशा प्रकारची लक्षणे दिसत नाहीत. तपासणी दरम्यान या आजाराचा प्रकार वेगळा असल्याचे डॉक्टरांच्या लक्षात आले. याबाबत अधिक माहिती मिळविल्यानंतर हा दुर्मीळ एचबीडी नामक सिंड्रोम असल्याचे पाहणीत आले. हा आजार जगभरात आतापर्यंत १५ ते २० रुग्णांना झाला असून आपल्या देशात या आजारावर उपचार पद्धत उपलब्ध नाही. त्यामुळे डॉक्टरांनी पुढाकार घेत युरोपातील एका तज्ज्ञ डॉक्टरांना या आजाराबाबतची सर्व माहिती मेलद्वारे पोहोचवली होती. या आजारासाठी युरोपातील तज्ज्ञांनी मार्गदर्शन केले. अशा दुर्मीळ आजारांवर देशात उपचार पद्धती नसल्यामुळे डॉ. दिलीप निकम यांनी या आजाराचा तपशील जर्नल ऑफ केस रिपोर्टमध्ये दिला. मुळात हा आजार पिढय़ानपिढय़ा असल्यामुळे रुग्णांमधील गुणसूत्राची तपासणी करण्याऐवजी वैद्यकीय पद्धतीने आजाराचे निदान करण्यात डॉक्टरांना यश आले. हा आजार पिढीजात असल्यामुळे कुटुंबातील अनेकांमध्ये या आजाराची लागण होऊ शकते. यासाठी कुटुंबातील सदस्यांच्या तपासणीसाठी बोलावण्यात आले होते. मात्र आपल्याकडे कर्करोगाकडे बघण्याचा दृष्टिकोन संकुचित असल्यामुळे हे सदस्य तपासणीसाठी येण्यास तयार झाले नाहीत, याबाबत डॉ. निकम यांनी खंत व्यक्त केली.
कर्करोगाचा हा प्रकार अत्यंत दुर्मीळ असून जर्नल ऑफ केस अहवालाने या आजाराचा अहवाल स्वीकारला असून लवकरच या आजाराचा अभ्यासपूर्ण तपशील प्रसारित करण्यात येणार आहे. मात्र आपल्या देशात अशा दुर्मीळ आजाराविषयी उपचार करण्याचे उपाय नाहीत याची खंत आहे.
– डॉ. दिलीप निकम, कर्करोग विभागप्रमुख, कामा रुग्णालय
मूत्रपिंडात कर्करोगाची गाठ असलेले, याचवेळी फुप्फुसांमध्ये हवा जमा झालेली आणि शरीरावरील केसांवर कर्करोगाच्या गाठी तयार होत असलेल्या एचबीडी (बर्ट हॉग डुबे) या दुर्मीळ आजारावर कामा रुग्णालयात उपचार देण्यात आले. हा आजार अतिशय दुर्मीळ असून काही दिवसांपूर्वी या आजाराचा तपशील भारताच्या दुर्मीळ वैद्यकीय आजारांची माहिती देणाऱ्या जर्नल ऑफ केस रिपोर्टने स्वीकारले असल्याचे कामा रुग्णालयातील कर्करोग विभागाचे प्रमुख डॉ. दिलीप निकम यांनी सांगितले.
गेल्या वर्षी कामा रुग्णालयात कर्करोग विभागात एक ३० वर्षीय महिला मूत्रपिंडाच्या कर्करोगावर उपचार घेत होती. यादरम्यान तपासणीमध्ये रुग्णाच्या फुप्फुसांमध्ये हवेच्या गाठी तयार होत असल्याचे डॉक्टरांच्या लक्षात आले. रुग्णाच्या शरीरावरील केसांमध्येही छोटय़ा छोटय़ा कर्करोगाच्या गाठी तयार होत होत्या. सर्वसाधारण कर्करुग्णांमध्ये अशा प्रकारची लक्षणे दिसत नाहीत. तपासणी दरम्यान या आजाराचा प्रकार वेगळा असल्याचे डॉक्टरांच्या लक्षात आले. याबाबत अधिक माहिती मिळविल्यानंतर हा दुर्मीळ एचबीडी नामक सिंड्रोम असल्याचे पाहणीत आले. हा आजार जगभरात आतापर्यंत १५ ते २० रुग्णांना झाला असून आपल्या देशात या आजारावर उपचार पद्धत उपलब्ध नाही. त्यामुळे डॉक्टरांनी पुढाकार घेत युरोपातील एका तज्ज्ञ डॉक्टरांना या आजाराबाबतची सर्व माहिती मेलद्वारे पोहोचवली होती. या आजारासाठी युरोपातील तज्ज्ञांनी मार्गदर्शन केले. अशा दुर्मीळ आजारांवर देशात उपचार पद्धती नसल्यामुळे डॉ. दिलीप निकम यांनी या आजाराचा तपशील जर्नल ऑफ केस रिपोर्टमध्ये दिला. मुळात हा आजार पिढय़ानपिढय़ा असल्यामुळे रुग्णांमधील गुणसूत्राची तपासणी करण्याऐवजी वैद्यकीय पद्धतीने आजाराचे निदान करण्यात डॉक्टरांना यश आले. हा आजार पिढीजात असल्यामुळे कुटुंबातील अनेकांमध्ये या आजाराची लागण होऊ शकते. यासाठी कुटुंबातील सदस्यांच्या तपासणीसाठी बोलावण्यात आले होते. मात्र आपल्याकडे कर्करोगाकडे बघण्याचा दृष्टिकोन संकुचित असल्यामुळे हे सदस्य तपासणीसाठी येण्यास तयार झाले नाहीत, याबाबत डॉ. निकम यांनी खंत व्यक्त केली.
कर्करोगाचा हा प्रकार अत्यंत दुर्मीळ असून जर्नल ऑफ केस अहवालाने या आजाराचा अहवाल स्वीकारला असून लवकरच या आजाराचा अभ्यासपूर्ण तपशील प्रसारित करण्यात येणार आहे. मात्र आपल्या देशात अशा दुर्मीळ आजाराविषयी उपचार करण्याचे उपाय नाहीत याची खंत आहे.
– डॉ. दिलीप निकम, कर्करोग विभागप्रमुख, कामा रुग्णालय
