‘लम्पी’चा वाढता प्रादुर्भाव रोखण्यासाठी नियमावली करणार का?; उच्च न्यायालयाची राज्य सरकारकडे विचारणा

हेही वाचा >>> कर्जदारांच्या विधवा पत्नीला सौजन्याची वागणूक द्या; डॉ. नीलम गोऱ्हे यांची सूचना

न्यायमूर्ती संजय गंगापूरवाला आणि न्यायमूर्ती आर. एन. लढ्ढा यांच्या खंडपीठासमोर शेट्टी यांनी केलेली याचिका सुनावणीसाठी आली. त्यावेळी जनावरांना होणाऱ्या ‘लम्पी’ या संसर्गजन्य त्वचा आजाराचा झपाट्याने प्रादुर्भाव होत आहे. हा प्रादुर्भाव रोखण्यासाठी सरकारला एक धोरण आखावे लागेल. या प्रक्रियेसाठी वेळ लागेल. परंतु ते आणावे लागेल, असे न्यायालयाने म्हटले. तसेच याचिकेवर दोन आठवड्यांत उत्तर दाखल करण्याचे आदेश देऊन प्रकरणाची सुनावणी १७ नोव्हेंबर रोजी ठेवली.

हेही वाचा >>> आनंदाचा शिधा योजनेंतर्गत रेशन दुकानांवर धान्यच नाही; दुकानदार आणि ग्राहकांमध्ये वाद

जनावरांना होणाऱ्या ‘लम्पी’ या संसर्गजन्य त्वचा आजाराचा झपाट्याने प्रादुर्भाव होत असून राज्य सरकारने याप्रकरणी परिपत्रक काढण्याशिवाय काहीच केलेले नाही, असा आरोपही शेट्टी यांनी याचिकेच्या माध्यमातून केला आहे. ‘लम्पी’ चा प्रादुर्भाव रोखण्यासाठी प्राण्यांतील संसर्गजन्य रोग प्रतिबंध आणि नियंत्रण कायद्यातील तरतुदींनुसार, उपाययोजना करायला हव्यात. परंतु सरकारतर्फे काहीच उपाययोजना केल्या जात नसल्याचेही त्यांनी याचिकेत म्हटले आहे.

हेही वाचा >>> दिवाळीत पहाटे सातपासून हेरिटेज पर्यटन बस सेवा

शेतकरी सततच्या अवेळी पावसामुळे अडचणीत आहेत. त्यातच आता त्यांच्या पशुधनांना ‘लम्पी’ त्वचारोगाचा धोका आहे. अशा स्थितीत शेतकऱ्यांना सरकारकडून आर्थिक मदतीची आवश्यकता आहे. तसेच जनावरांचे ‘लम्पी’ या संसर्गजन्य त्वचारोगापासून संरक्षण करण्यासाठी सरकारने त्यांचे सामूहिक लसीकरण करणे आवश्यक आहे, असेही शेट्टी यांनी याचिकेत नमूद केले आहे.