मुंबई : देवनार कचराभूमीलगतच्या शाही नाका परिसरातील मुंबई महानगरपालिकेच्या उद्यानाची नियमित देखरेख व डागडुजीअभावी दुर्दशा झाल्याचे निदर्शनास आले होते. कंत्राटदाराने पालिकेच्या निविदेतील अटी व सूचनांचे केलेले उल्लंघन आणि कामातील हलगर्जीपणामुळे या उद्यानाची दुर्दशा झाल्याचे उघडकीस आले आहे. परिणामी, पालिका प्रशासनाने संबंधित कंत्राटदारावर दंडात्मक कारवाई केली असून उद्यानाच्या डागडुजीचे काम हाती घेण्यात आले आहे.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

गेल्या वर्षी संबंधित उद्यानाचे स्थानिक आमदार अबू आसिम आझमी यांच्या हस्ते मोठ्या थाटामाटात लोकार्पण करण्यात आले होते. उद्यानाच्या देखभाल व दुरुस्तीसाठी पालिकेने निविदा जारी केली होती. महानगरपालिकेने निविदा प्रक्रियेअंती हर्षिल इंटरप्राइजेस या कंपनीची उद्यानाच्या देखभालीसाठी निवड केली. मात्र, कंत्राटदार उद्यानाच्या देखभालीचे काम योग्यरीत्या करीत नसल्याचा आरोप स्थानिक रहिवाशांकडून करण्यात येत होता. तसेच पालिका अधिकारीही कंत्राटदाराच्या कामांवर देखरेख करीत नसल्याचे रहिवाशांचे म्हणणे होते. दरम्यान, समाजकंटकांनी उद्यानातील विविध सुविधांची तोडमोड केली. मात्र, त्याकडेही प्रशासनाचे लक्ष नव्हते. उद्यानात लावण्यात आलेल्या झुडपांना दररोज पाणी न घातल्यामुळे सर्व उद्यान उजाड झाले आहे.

आणखी वाचा

हेही वाचा – चेंबूरमधील पर्यायी रस्त्याचे बांधकाम रखडले, वाहतूक कोंडीचा प्रश्न अधिकच जटील

लहान मुलांचे झोपाळे चोरांनी गायब केले आहेत. तसेच घसरगुंडीही तुटलेल्या अवस्थेत असल्यामुळे मुलांचा अपघात होण्याची दाट शक्यता आहे. ऊन आणि पावसापासून संरक्षण करण्यासाठी बांधलेल्या गॅझेबो आणि आसन व्यवस्थेचीही दुरवस्था झाली आहे. उद्यानात उभारण्यात आलेले पथदिवे मागील अनेक महिन्यांपासून बंद असून आता ते मोडकळीस आले आहेत. शिवाय उद्यानाच्या सुरक्षेसाठी एकही सुरक्षारक्षक नेमण्यात आलेला नाही. दै. ‘लोकसत्ता’मध्ये १९ फेब्रुवारी रोजी संबंधित वृत्त प्रसिद्ध होताच पालिकेने कंत्राटदारावर नोटीस बजावून ८,८०० रुपये दंड ठोठावला.

हेही वाचा – मुंबई : अक्सा समुद्रकिनाऱ्यावरील समुद्री भिंतीच्या बांधकामाला स्थगिती

लहान मुले व महिलांच्या सुरक्षिततेचा प्रश्न लक्षात घेऊन पालिकेने येथे सुरक्षारक्षक नेमावा, तसेच उद्यानातील उर्वरित डागडुजीची कामे तत्काळ पूर्ण करावीत, अशी मागणी स्थानिक रहिवाशांकडून करण्यात आली आहे.

गेल्या वर्षी संबंधित उद्यानाचे स्थानिक आमदार अबू आसिम आझमी यांच्या हस्ते मोठ्या थाटामाटात लोकार्पण करण्यात आले होते. उद्यानाच्या देखभाल व दुरुस्तीसाठी पालिकेने निविदा जारी केली होती. महानगरपालिकेने निविदा प्रक्रियेअंती हर्षिल इंटरप्राइजेस या कंपनीची उद्यानाच्या देखभालीसाठी निवड केली. मात्र, कंत्राटदार उद्यानाच्या देखभालीचे काम योग्यरीत्या करीत नसल्याचा आरोप स्थानिक रहिवाशांकडून करण्यात येत होता. तसेच पालिका अधिकारीही कंत्राटदाराच्या कामांवर देखरेख करीत नसल्याचे रहिवाशांचे म्हणणे होते. दरम्यान, समाजकंटकांनी उद्यानातील विविध सुविधांची तोडमोड केली. मात्र, त्याकडेही प्रशासनाचे लक्ष नव्हते. उद्यानात लावण्यात आलेल्या झुडपांना दररोज पाणी न घातल्यामुळे सर्व उद्यान उजाड झाले आहे.

आणखी वाचा

हेही वाचा – चेंबूरमधील पर्यायी रस्त्याचे बांधकाम रखडले, वाहतूक कोंडीचा प्रश्न अधिकच जटील

लहान मुलांचे झोपाळे चोरांनी गायब केले आहेत. तसेच घसरगुंडीही तुटलेल्या अवस्थेत असल्यामुळे मुलांचा अपघात होण्याची दाट शक्यता आहे. ऊन आणि पावसापासून संरक्षण करण्यासाठी बांधलेल्या गॅझेबो आणि आसन व्यवस्थेचीही दुरवस्था झाली आहे. उद्यानात उभारण्यात आलेले पथदिवे मागील अनेक महिन्यांपासून बंद असून आता ते मोडकळीस आले आहेत. शिवाय उद्यानाच्या सुरक्षेसाठी एकही सुरक्षारक्षक नेमण्यात आलेला नाही. दै. ‘लोकसत्ता’मध्ये १९ फेब्रुवारी रोजी संबंधित वृत्त प्रसिद्ध होताच पालिकेने कंत्राटदारावर नोटीस बजावून ८,८०० रुपये दंड ठोठावला.

हेही वाचा – मुंबई : अक्सा समुद्रकिनाऱ्यावरील समुद्री भिंतीच्या बांधकामाला स्थगिती

लहान मुले व महिलांच्या सुरक्षिततेचा प्रश्न लक्षात घेऊन पालिकेने येथे सुरक्षारक्षक नेमावा, तसेच उद्यानातील उर्वरित डागडुजीची कामे तत्काळ पूर्ण करावीत, अशी मागणी स्थानिक रहिवाशांकडून करण्यात आली आहे.