राज्यात रस्ते अपघातांत वाढ; दोन वर्षांत २७ हजार जणांचा मृत्यू; ११ जानेवारीपासून रस्ते सुरक्षा अभियान

राज्यातील रस्ते अपघात कमी करण्यासाठी राज्य सरकार वाहतूक पोलीस, परिवहन विभाग आणि विविध सामाजिक संस्थांना घेऊन दर वर्षी रस्ते सुरक्षा मोहीम राबविते. या मोहिमेनंतरही अपघातांचे प्रमाण कमी होत नाही. राज्यात २०२१ मध्ये आणि जानेवारी ते नोव्हेंबर २०२२ मध्ये रस्ते अपघातांत ४७,७९३ जखमी झाल्याची माहिती वाहतूक पोलिसांकडून देण्यात आली. एकूण अपघातांपैकी २०२१ मध्ये २९ हजार ४७७ अपघात आणि १३ हजार ५२८ मृत्यू झाले असून २०२२ मध्ये ३० हजार १२० अपघातांमध्ये १३ हजार ५५६ जणांचा मृत्यू झाला आहे. जखमींमध्येही वाढ असून २०२२ मध्ये २४ हजार ७२२ जखमींची नोंद वाहतूक पोलिसांकडे झाली असून २०२१ मध्ये हीच संख्या २३ हजार ७१ आहे.

आणखी वाचा

पंतप्रधानांच्या दौऱ्यानिमित्त शहरात वाहतूक बदल; स. प. महाविद्यालय परिसरातील रस्ते वाहतुकीस बंद

लोकप्रिय मराठी अभिनेत्री दुसऱ्यांदा अडकली लग्नबंधनात; साधेपणाने पार…

खेड परशुराम घाटात दाट धुक्यामुळे चार वाहनांचा विचित्र अपघात; वाहनांचे मोठे नुकसान तर जीवितहानी टळली

नाशिक परिक्षेत्रात २५ दिवसांत ५० कोटींचा मुद्देमाल जप्त, १७ हजार गुन्हेगारांविरुध्द कारवाई

महायुतीमध्ये असंतोषाची दरी, बंडखोरीमुळे वाशीम जिल्ह्यात वाद वाढले; कारवाईत पक्षपातीपणा?

स्वारगेट स्थानकाच्या आवारात एसटी बसच्या धडकेत प्रवासी तरुणाचा मृत्यू

लोकजागर : सामान्य पुणेकरांना ‘व्हीआयपी’ रस्ते मिळतील का?

दारू पिताना झालेल्या वादातून मजुराचा खुनाचा प्रयत्न, भिडे पूल परिसरातील घटना

दरम्यान राज्य रस्ते सुरक्षा अभियानाला ११ जानेवारीपासून सुरुवात होत आहे. मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांच्या हस्ते एनसीपीए सभागृहात या अभियानाचे उद्घाटन होणार आहे.

महामार्गावर वाढते अपघात

गेली १३ वर्षे रखडलेल्या कामामुळे मुंबई ते गोवा राष्ट्रीय महामार्गावर जानेवारी ते नोव्हेंबर २०२२ या कालावधीत रस्ते अपघातात १५० जणांचा मृत्यू झाला आहे. २०२१ मध्ये ११८ अपघातात ११९ जणांचा मृत्यू झाला होता. ११ डिसेंबरपासून वाहनांसाठी खुल्या झालेल्या समृद्धी महामार्गावरही अपघातांनी पन्नाशी गाठली आहे. त्यापैकी तीन अपघातांमध्ये चार जणांचा मृत्यू, तर २१ किरकोळ अपघातांमध्ये २९ जण जखमी झाले आहेत. मुंबई-पुणे जुना मार्ग आणि मुंबई-पुणे नवीन द्रुतगती महामार्गावर २०२१ आणि २०२२ मध्ये एकूण ८७७ रस्ते अपघात झाले असून त्यात ४०७ जणांचा मृत्यू झाला आणि ५६० जण जखमी झाले.

ठाणे शहर

’ २०२१ : अपघात ७८६, मृत्यू १९६, जखमी ७०४

’ २०२२ : अपघात ७७४, मृत्यू १९७, जखमी ६७९

पालघर जिल्हा

’ २०२१ : अपघात ४९९,  मृत्यू २९४, जखमी ३०९ 

’ २०२२ : अपघात ६३०,  मृत्यू २६९, जखमी ३८०

मुंबई शहर

’ २०२१ : अपघात २,२१४, मृत्यू ३८७, जखमी १,९४४

’ २०२२ : अपघात १,६७८, मृत्यू २६९, जखमी १,४३३