गाथा शस्त्रांची : प्रस्तावना (उत्तरार्ध)

शस्त्रांच्या विकासक्रमाचा हा आढावा रंजकच नव्हे तर उद्बोधकही आहे. काही शस्त्रे एखाद्या समुदायाशी निगडित आहेत आणि त्यांनी त्या समाजाचे नाव सर्वतोमुखी केले आहे. भारतात शीख धर्मीयांना कृपाण आणि कर्नाटकमधील कुर्ग येथील समाजाला बंदूक बाळगण्यास कायद्याने परवानगी आहे. कुकरीच्या वापरात पारंगत नेपाळच्या गोरखा योद्धय़ांनी जगभरच्या सेनानींकडून सन्मान मिळवला आहे. किंबहुना गोरखा आणि कुकरी तसेच जपानचे सामुराई लढवय्ये आणि त्यांच्या कटाना तलवारी यांच्यातील द्वैत संपून अद्वैत निर्माण झाले आहे. जेम्स बॉण्डच्या बंदुकांनीही रसिकांवर कायम अधिराज्य गाजवले आहे.

आणखी वाचा

तारीख अन् मुहूर्त ठरला! ‘झी मराठी’ची थ्रिलर मालिका ‘या’ दिवशी सुरू होणार; संपूर्ण स्टारकास्ट आली समोर, पाहा जबरदस्त प्रोमो

Economic Survey: आर्थिक सर्वेक्षण अहवाल सांगतोय २०२५ हे…

होनाजी तरुण मंडळाची नवी ‘संहारक गणेश मूर्ती’ गणेश जयंतीला प्रतिष्ठापना

पुण्यावर शिंदे गटाचा ‘आवाज’ वाढणार

प्रयागसाठी ‘प्रयाण’ सुरूच! हवाई, रेल्वे, खासगी वाहनांचे आरक्षण फुल्ल

२४५० वर्षे जुन्या अस्सल सोन्याच्या शिरस्त्राणाची चोरी; का आहे हे शिरस्त्राण महत्त्वाचे?

आक्षेपार्ह बाबी वगळून ‘छावा’ प्रदर्शित करावा : उदयनराजे

बदलापुरात एका तपानंतरही बायोगॅसची प्रतीक्षाच; भाजपच्या नगरसेवकाच्या आरोपानंतर बायोगॅस प्रकल्प पुन्हा वादात

त्याप्रमाणे काही शस्त्रे आणि युद्धे यांचा संबंध कायमचा लक्षात राहिला आहे. दुसरे महायुद्ध आणि हिटलरचे ‘पँझर’ रणगाडे आणि ‘यू-बोट्स’, कोरियन युद्धात अमेरिकी ‘एफ-८६ सेबर’ आणि सोव्हिएत युनियनची ‘मिग-१५’ या विमानांच्या लढती (डॉगफाइट्स), व्हिएतनामच्या आकाशातील ‘एफ-४ फँटम’ आणि ‘मिग-२१’ यांच्या लढती, १९९१ चे आखाती युद्ध आणि ‘टॉमहॉक’ क्रूझ क्षेपणास्त्रे अशी काही समीकरणे आता दृढ बनली आहेत. ‘एके-४७’ सारखी काही शस्त्रे आख्यायिका बनली आहेत. जगातील प्रत्येक पाच बंदुकांपैकी एक ‘एके-४७’ आहे. इतका तिचा प्रसार आहे. जगभरच्या सेनादलांबरोबरच दहशतवाद्यांच्याही गळ्यातील ती ताईत बनली आहे. मोझांबिकच्या राष्ट्रध्वजावर ‘एके-४७’ला स्थान आहे आणि कलाशनिकोव्ह नावाचा व्होडकाही आहे. ही केवळ बंदूक न राहता तो एक ‘कल्ट’ बनला आहे.

शस्त्रांच्या या अमर्याद प्रसाराने अनेक समस्याही उभ्या केल्या आहेत. पाकिस्तान-अफगाणिस्तान, इराक-सीरिया यांसारख्या देशांतील ‘गन-कल्चर’ने तेथील पिढीच्या पिढी बरबाद केली आहे. आज अण्वस्त्रे, रायायनिक आणि जैविक अस्त्रे दहशतवाद्यांच्या हाती पडून महाभयंकर संहार घडण्याचीही भीती आहे.

‘अश्व: शस्त्रं शास्त्रं वीणा वाणी नरश्च नारी च पुरुषविशेषं प्राप्य भवन्ति योग्यायोग्याश्च’ मात्र घोडा, शस्त्र, शास्त्र, वीणा, वाणी, नर, नारी यांची योग्यायोग्यता त्यांचा वापर कोण करते यावर अवलंबून असते, असे संस्कृत वचन आहे. हा विवेक बाळगणे आपल्याच हाती आहे.

sachin.diwan@expressindia.com