फक्त भारतच नाही तर अवघ्या क्रिकेट विश्वाचा लाडका सचिन तेंडुलकर याचा आज ४८वा वाढदिवस! सचिनच्या लाखो-करोडो चाहत्यांसाठी आजचा दिवस म्हणजे त्यांच्या स्वत:च्या वाढदिवसापेक्षाही स्पेशल! जगभरातून सचिनचे चाहते त्याच्यावर शुभेच्छांचा वर्षाव करत असतात. पण मुंबईच्या परळ येथे राहाणाऱ्या अभिषेक साटमनं आपल्याच हटके स्टाईलमध्ये आपल्या लाडक्या सचिनला शुभेच्छा दिल्या आहेत. यासाठी त्यानं वापरल्या आहेत ६ रंगांच्या तब्बल ३० हजार १२ कागदी टिकल्या! आपल्या कलाकृतीतून त्यानं २०११ च्या विश्वचषक विजयादरम्यानच्या सचिनच्या आठवणी जाग्या केल्या आहेत! नेमकं केलंय काय या पठ्ठ्यानं?
अभिषेककडे सचिनवर लिहिलेल्या वेगवेगळ्या लेखांचा संग्रह तर आहेच, पण सचिनच्या असंख्य फोटोंचं कलेक्शन देखील आहे.
