सचिन तेंडुलकर, जया बच्चन यांच्या बंगल्यांचा बदलणार लूक! अतिरिक्त बांधकामाला प्रशासनाकडून मंजुरी

हेही वाचा – Video : सचिन तेंडुलकरने आईबरोबरचा आंबा खातानाचा व्हिडीओ केला शेअर, चाहते म्हणाले…

मुंबईच्या पेरी क्रॉस रोड येथील कार्टर रोड परिसरातील समुद्रकिनाराऱ्याला लागून सचिन तेंडुलकर यांचा बंगला आहे. सध्याच्या बांधकामानुसार, या बंगल्यात लोवर बेसमेंट, अप्पर बेसमेंट, तळमजला आणि तीन मजले आहेत. या बंगल्याच्या बांधकामाला २०११ साली एक फ्लोअर स्पेस इंडेक्स (FSI) नुसार परवानगी देण्यात आली होता. त्यानंतर ती वाढवण्यात आली. मात्र, काही दिवसांपूर्वीच तेंडुलकर यांनी या बंगल्यात अतिरिक्त बांधकामाच्या परवानगीसाठी अर्ज केला होता. या अर्जाद्वारे त्यांनी पाचवा मजला बांधण्याची परवानगी मागितली होती. हा अर्ज सागरी क्षेत्र व्यवस्थापन प्राधिकरणाकडून मंजूर करण्यात आला आहे. त्यामुळे सचिन तेंडुलकर यांना आता अतिरिक्त बांधकाम करता येणार आहे.

हेही वाचा – Ravi Shastri: “थोडी प्रतीक्षा करा…”, ICC ट्रॉफी न जिंकल्याबद्दल रवी शास्त्रींचे मोठे विधान; तेंडुलकर-कोहलीचे दिले उदाहरण

सचिन तेंडुलकर यांच्याबरोबरच ज्येष्ठ अभिनेत्री जया बच्चन यांनीही त्यांच्या ‘जलसा’ बंगल्यात नव्याने बांधकाम करण्याची परवानगी मागितली होती. त्यांनाही सागरी क्षेत्र व्यवस्थापन प्राधिकरणाकडून परवानगी देण्यात आली आहे. त्यांच्या ‘जलसा’ बंगल्यातील सध्याच्या बांधकामानुसार, बेसमेंट, तळमजला आणि आणखी दोन मजले आहेत. मात्र, दुसऱ्या मजल्यावरील बांधकाम अपूर्ण आहे. हे बांधकाम पूर्ण करण्यासाठी तसेच आणखी एक मजला बांधण्यासाठी त्यांना परवानगी देण्यात आली आहे.