Mumbai Sakinaka Fire: साकीनाक्यात प्लास्टिकच्या गोदामाला भीषण आग

साकीनाका येथील जंगलमंगल रोड परिसरातील बारदान गल्लीत ही भीषण आग लागली. साडेसहाच्या सुमारास आगीची माहिती मिळाल्यानंतर अग्निशमन दलाच्या आठ गाड्या आणि पाण्याचे पंप या ठिकाणी दाखल झाले. गोडाऊनमध्ये कोणीही नव्हतं त्यामुळे सुदैवाने जिवीतहानी झाली नाही. मात्र मालमत्तेचं मोठ्या प्रमाणात नुकसान झालं आहे. आगीचे कारण अद्याप स्पष्ट झालेलं नाही. तरीही ही आग नेमकी कशामुळे लागली, प्लास्टिकचं सामना वगळता इतर कोणतं सामना या गोडाऊनमध्ये होतं याची चौकशी पोलीस आणि अग्निशमन दलाकडून केली जात आहे.