“न्यायालयातील अन्य निकाल मॅनेज होतात, मग…”; मराठा आरक्षणाच्या मुद्द्यावरून संजय राऊतांचं शिंदे-फडणवीस सरकारवर टीकास्र!

हेही वाचा – श्री सेवकांना पैसे देऊन गप्प केल्याचा संजय राऊतांचा आरोप, शिंदे गटाकडून तक्रार दाखल; म्हणाले, “रोज सकाळी…”

आणखी वाचा

‘बटेंगे तो कटेंगे’ असे वक्तव्य करणारे याेगी आदित्यनाथ यांचा आता ‘हा’ नारा

महायुतीला सत्ता मिळाली, लाडक्या बहिणींना २१०० रुपये कधीपासून…

“भाजपचा आरक्षण संपविण्याचा मोठा डाव”, कोणी केला हा गंभीर आरोप ?

“…तर मतांचे धर्मयुद्ध आपल्यालाही लढावं लागेल”; सज्जाद नोमानींच्या व्हिडीओवरून देवेंद्र फडणवीसांचा हल्लाबोल!

केंद्रीय गृहमंत्री अमित शहा म्हणतात,’ मोदींनी नक्षलवाद व आतंकवाद संपविला’

संजय राऊतांमुळे राज्यातील आघाडीचे सरकार गेले, विश्वजित कदम यांची खोचक टीका

“महायुतीत मिठाचा खडा टाकू नका”, मुख्‍यमंत्री एकनाथ शिंदे, उपमुख्‍यमंत्री अजित पवारांनी रवी राणांना खडसावले

नेमकं काय म्हणाले संजय राऊत?

“देवेंद्र फडणवीस विरोधी पक्षनेते असताना ‘सत्तेत आल्यास दोन दिवसांत आरक्षण देतो’, असं म्हणाले होते. त्यामुळे न्यायालयात नेमकं काय होतं, याकडे सर्वांच लक्ष लागलं होतं. इतर सर्व विषयातील निकाल न्यायालयात मॅनेज केले जातात. मग महाराष्ट्रातील एका महत्त्वाच्या समाजासाठी असलेल्या आरक्षणाचा निकाल आपल्या मनासारखा का लागत नाही?” अशी प्रतिक्रिया संजय राऊत यांनी दिली.

हेही वाचा – VIDEO : वाढत्या तापमानामुळे राज्यातील ‘या’ शाळांना आजपासून सुट्टी; मंत्री दीपक केसरकरांची माहिती

“मराठा आरक्षणाच्या बाबतीत तुम्ही कुठं कमी पडला?”

“आमच्या हातात सत्ता द्या, लगेच आरक्षण देतो, असं देवेंद्र फडणवीस म्हणाले होते. मग आता त्यांच्या हातात नऊ महिन्यांपासून सत्ता आहे. अशावेळी सीमाप्रश्नापासून ते मराठा आरक्षणापर्यंत कोणताही निकाल मनासारखा लागत नाही. याचं का कारण काय? या विषयावर तुमची दातखिळी का बसली आहे? आमच्या हातातून धनुष्यबाण चिन्हा काढून घेताना तुमच्या हालचाली बरोबर असतात, मग मराठा आरक्षणाच्या बाबतीत तुम्ही कुठं कमी पडलात? हे तुम्ही लोकांसमोर येऊन सांगायला हवं”, अशी टीकाही त्यांनी केली.

फडणवीसांच्या त्या टीकेला प्रत्युत्तर

दरम्यान, राजकारणातील कटुता संपवायची असेल तर सकाळचा अभंग बंद करायला हवा, असा टोला देवेंद्र फडणवीसांनी काल संजय राऊतांना लगावला होता. त्यालाही राऊतांनी प्रत्युत्तर दिलं. “आमच्या अभंगात फडणवीसांनी सहभागी व्हावं. त्यांनी अभंगाची चेष्टा करू नये. अभंग ही महाराष्ट्राची संस्कृती आहे. तुमच्यात हिंमत असेल तर अभंगाला उत्तर द्या”, असे ते म्हणाले.