मुंबई : जन्मदाता पिता आणि प्रियकराने १६ वर्षीय मुलीवर अनेक दिवस बलात्कार केल्याची घटना चेंबूर येथे घडली. मुलगी गर्भवती राहिल्यानंतर हा प्रकार उघडकीस आला असून टिळकनगर पोलिसांनी याप्रकरणी गुन्हा दाखल करून दोघांना अटक केली.
चेंबूरमधील पी. एल. लोखंडे मार्गावर पीडित मुलगी कुटुंबियांसह राहत असून याच परिसरात राहणाऱ्या ३२ वर्षीय तरुणासोबत तिचे प्रेमसबंध आहेत. या आरोपीने मुलीला लग्नाचे अमिश दाखवून तिच्यावर अनेकदा बलात्कार केला. तसेच मुलीच्या वडिलांनी घरात कोणी नसताना मुलीवर अनेकदा बलात्कार केला. मुलगी गर्भवती झाल्यानंतर हा प्रकार उघडकीस आला. पीडित मुलीने याप्रकरणी टिळकनगर पोलीस ठाण्यात तक्रार दाखल केल्यानंतर पोलिसांनी प्रियकर आणि वडिलांना गुरुवारी अटक केली.