शीना बोरा हत्याप्रकरणी अटकेत असलेल्या पीटर मुखर्जी याच्या न्यायालयीन कोठडीत सोमवारी पुन्हा एकदा वाढ करण्यात आली. मुंबई महानगरदंडाधिकाऱयांनी पीटर मुखर्जीच्या न्यायालयीन कोठडीत ११ जानेवारीपर्यंत वाढ केली. पीटर मुखर्जीच्या न्यायालयीन कोठडीची मुदत सोमवारी संपल्यावर त्याला पुन्हा एकदा न्यायालयात हजर करण्यात आले. त्यावेळी सीबीआयने पीटरच्या न्यायालयीन कोठडीत वाढ करण्याची विनंती केली व न्यायालायने ११ जानेवारीपर्यंत पीटरच्या न्यायालयीन कोठडीत वाढ केली.
१९ ऑक्टोबर रोजी पीटरला सीबीआयने अटक केली होती. त्यानंतर त्याला चौकशीसाठी दिल्लीला नेण्यात आले. पीटरच्या चौकशीतून त्याने इंद्राणीच्या साथीने परदेशात ९०० कोटी रुपयांची गुंतवणूक केल्याचे उघड झाले होते. शिवाय इंद्राणीने शीनाच्या नावे हाँगकाँगमध्ये खाते उघडले होते, हेही पुढे आले.