“संजय राऊत हा असा व्यक्ती आहे, की राहुल गांधींचा आणि शरद पवारांचा फोटो शिवसेना भवनात…” संजय शिरसाटांचं टीकास्त्र!

मुंबईमध्ये काल हिंदू जनआक्रोश मोर्चांचं आयोजन करण्यात आलं होतं. विशेष म्हणजे शिवसेना भवनाच्या परिसरातच या मोर्चा काढण्यात आला होता. तर या मोर्चावरून शिवसेना(ठाकरे गट) खासदार संजय राऊत यांनी भाजपा व शिंदे गटावर कालही टीका केली होती आणि आज सामनाच्या अग्रलेखामधूनही टीका करण्यात आली आहे. याशिवाय आजच्या सामनाच्या मुख्यपृष्ठावर वरील भागात मोठ्या छायाचित्रासह राहुल गांधींची बातमी आणि त्याच पृष्ठावर खाली हिंदू जनआक्रोश मोर्चाची बातमी लावण्यात आल्याने, शिंदे गटाचे आमदार संजय शिरसाट यांनी संजय राऊतांवर एकेरी भाषेत टीकस्त्र सोडले आहे.

आणखी वाचा

शिवराजसिंह चौहान म्हणतात राहुल गांधींकड विकासाचे कुठलेही व्हीजन नाही

महायुतीला सत्ता मिळाली, लाडक्या बहिणींना २१०० रुपये कधीपासून…

“सेटवर आम्ही कधीच त्यांना…”, ऐश्वर्या आणि अभिषेक बच्चनबाबत अभिनेता म्हणाला, “त्यांच्या नात्यामुळे…”

“पंतप्रधान मोदींना स्मृतीभ्रंश झालाय, ते आजकाल…”; अमरावतीतल्या सभेतून राहुल गांधींचा हल्लाबोल!

Rahul Gandhi: “अदानींसाठीच भाजपने आमचे सरकार पाडले”, राहुल गांधी यांचा आरोप

Revanth Reddy : “ते भारताचे पंतप्रधान आहेत, पण…”; तेलंगणाच्या मुख्यमंत्र्यांची नरेंद्र मोदींवर गंभीर टीका!

Sharad Pawar : “मोदी ४०० हून अधिक जागांची मागणी करत होते कारण..”, शरद पवारांचं वक्तव्य चर्चेत

हेही वाचा –“आम्हाला आव्हान देण्याऐवजी त्यांनी राज्यसभेचा राजीनामा द्यावा आणि…” संजय राऊतांच्या टीकेला शिंदे गटाकडून प्रत्युत्तर!

संजय शिरसाट म्हणाले, “मी वारंवार सांगत आलोय की संजय राऊत हा वेडा माणूस आहे. आजच्या घडीला संजय राऊत हा राजकारणातला जोकर आहे. तो नेमकं काय करतोय हे त्याला सुद्धा कळत नाही. संजय राऊत हा असा व्यक्ती आहे की राहुल गांधींचा फोटो आणि शरद पवारांचा फोटो हा शिवसेना भवनात लावायला कमी करणार नाही.” टीव्ही 9 शी ते बोलत होते.

याचबरोबर, “सर्वधर्म समभावाची व्याख्या त्याला पाठ झालेली आहे. ज्याचा विरोध शिवसेना प्रमुखांनी केला होता, जे गाडलेले मुडदे आहेत त्यांना जिवंत करण्याचं काम संजय राऊत करतो आहे. म्हणून संजय राऊतला आणखी हिंदुत्व कळायला फार अवकाश आहे. शिवसेना संपली असं समजूनच तो अशी विधानं करत आहे. आता कदाचित शेवट काय करायचा आहे, या विवंचनेत तो सुद्धा आहे.” असंही संजय शिरसाट यांनी म्हटलं आहे.

…त्यामुळे आमचा विजय निश्चित आहे –

याशिवाय, पदवीधर व शिक्षक मतदारसंघाच्या निवडणुकीच्या पार्श्वभूमीवरही संजय शिरसाट यांनी प्रतिक्रिया दिली. “या निवडणुकीचा जेव्हा निकाल लागेल तेव्हा आपल्याला लक्षात येईल, की महाविकास आघाडी जरी झाली तरी शिवसेना(शिंदे गट) आणि भाजपाने जी रणनीती आखलेली आहे, त्यामुळे आमचा विजय निश्चित आहे. अनेक ठिकाणचा पराभव त्यांनी(महाविकास आघाडीने) मान्य केलेला आहे, या पराभवास आता कसं पचवावं या विवंचनेत ते लोक आहेत.” असं ते म्हणाले.