प्रकाश मेहता म्हणजे माजलेला बोका, शिवसेनेचा पलटवार

मुंबई महापालिका निवडणुक जवळ येऊ लागताच भाजप आणि शिवसेना या मित्रपक्षांमध्ये ‘पोस्टर वॉर’ सुरू झाले आहे. ‘मुंबईतील वाघ आता संपले, आता सिंहांचे राज्य सुरू झाले आहे’, असे वक्तव्य करत शिवसेनेवर निशाणा साधणारे भाजपचे मंत्री प्रकाश मेहता यांना शिवसेनेने एका पोस्टरच्या माध्यमातून प्रत्युत्तर दिले आहे. प्रकाश मेहता यांचा मतदार संघ असलेल्या घाटकोपर पूर्व भागात शिवसेना नेत्यांकडून मेहतांविरोधात पोस्टरबाजी करण्यात आली असून मेहता यांची तुलना माजलेल्या बोक्याशी करण्यात आली आहे.