Uddhav Thackeray: “मिंध्या तू मर्दाची…”, एकनाथ शिंदेंवर टीका करताना उद्धव ठाकरेंचं आक्षेपार्ह विधान; वाचा काय म्हणाले?

काय म्हणाले उद्धव ठाकरे?

उद्धव ठाकरे म्हणाले, मी मुख्यमंत्री असताना शिवसेनाप्रमुखांचं नाव राष्ट्रपुरुषांच्या यादीत टाकलं. आम्हाला वाटलं, काय प्रेम आहे यांचं. आम्हाला भरून आलं. पण त्यामागील त्यांचा खरा हेतू आता समोर आला आहे. कारण राष्ट्रपुरुषांच्या यादीत एखाद्या व्यक्तीचं नाव टाकल्यानंतर त्यांचा फोटो आणि नाव कुणीही वापरू शकतं. त्यामुळेच लुटारू, मिंधे माझ्या वडिलांचं नाव वापरत आहेत. शरद पवारांच्याबाबतीत असं झालं नाही, कारण ते स्वतः दुसऱ्या राष्ट्रवादीचं नेतृत्व करत आहेत. त्यामुळं त्यांनी त्यांचा फोटो वापरावर बंदी आणली. पण शिवसेनाप्रमुखांचं नाव तुम्ही कपट कारस्थान करून वापरलं. त्यासाठी दोन-तीन वर्षांआधीच नियोजन केलं होतं. फक्त शिवसेना फोडण्यासाठी हे कारस्थान केलं गेलं.

हे वाचा >> “पंकजाताई मुंडे तुझे धन्यवाद…”, उद्धव ठाकरेंनी केलं कौतुक; म्हणाले, ‘तुम्ही महाराष्ट्राच्या डोळ्यावरची पट्टी काढली’

आक्षेपार्ह विधान काय?

उद्धव ठाकरे पुढे म्हणाले, “मी काल एकनाथ शिंदे यांना ठाण्यात जाऊन आव्हान दिलं. आज तुमच्या साक्षीने आव्हान देतो. तू जर मर्दाची औलाद असलास, पण वाटत तर नाही… तर तू तुझ्या वडिलांचा फोटो लावून मैदानात ये. मग तुला मतं तर मिळणार नाहीत, पण जोडे खावे लागतील.”