शिंदे गटातील बंडखोर आमदार भरत गोगावले यांच्या कारला अपघात; एकामागोमाग आठ गाड्यांची धडक

भरत गोगावले यांनी व्हिडीओच्या माध्यमातून माहिती देताना सांगितलं की, “टॅक्सी बिघडल्यामुळे हा अपघात झाला. टॅक्सी रस्त्यात उभी राहिली असता मागून जाणाऱ्या आठ गाड्या एकमेकांवर आदळल्या. आमची गाडी पाचवी होती, आमच्या पुढे पोलिसांची गाडी होती. पोलिसांच्या गाडीवर आमची गाडी आदळली आणि नुकसान झालं. पण कोणालाही काही दुखापत झालेली नाही. आम्ही सर्वजण सुरक्षित आहोत”.