“…म्हणून भाजपा आणि शिंदे गटातील महिला आमदार तणावाखाली”; ठाकरे गटातील आमदाराचं विधान

सत्ता स्थापन केल्यावर तब्बल एक महिना महाराष्ट्राला मंत्रीमंडळ नव्हतं. एकनाथ शिंदे आणि देवेंद्र फडणवीस यांनीच एक महिना राज्याचा कारभार हाकला होता. त्यानंतर पहिला मंत्रिमंडळ विस्तार झाला. मात्र, अद्यापही सरकारचा दुसरा मंत्रिमंडळ विस्तार झाला नसल्याने अनेकांनी नाराजी व्यक्त केली आहे. अशातच शिवसेना ( ठाकरे गट ) आमदाराने मंत्रिमंडळ विस्तार न होण्यामागे कारण सांगितलं आहे.

आणखी वाचा

नाराज आमदारांना एकनाथ शिंदेंकडून श्रद्धा अन् सबुरीचा सल्ला; म्हणाले, “दुसऱ्या टप्प्यात…”

Madhuri Dixit : डर चित्रपट माधुरी दीक्षितने का…

Jagdeep Dhankhar : “जग आपल्याकडे पाहत आहे, तरीही आपण…” संसदेतील गदारोळावर राज्यसभेच्या सभापतींची उद्विग्न प्रतिक्रिया

नीलम गोऱ्हे राम शिंदेंना म्हणाल्या, “आता तुम्हाला मागच्या दाराने….”

Rahul Gandhi : भाजपा खासदाराचा राहुल गांधींवर धक्काबुक्की करुन पाडल्याचा आरोप, स्पष्टीकरण देत म्हणाले, “मला संसदेत…”

संघाविषयीच्या भूमिकेवरून अजित पवारांच्या राष्ट्रवादीत फूट, दोन आमदार संघस्थळी

Deepak Kesarkar : “…तर शिवसेनेचे दोन भाग झालेच नसते”, ठाकरे-फडणवीसांच्या भेटीनंतर शिंदे गटाच्या नेत्याचं मोठं विधान

Aaditya Thackeray : “एकनाथ शिंदे आणि ‘या’ दोन नेत्यांना मंत्रिमंडळात घेऊ नका”, आदित्य ठाकरेंची फडणवीसांकडे मोठी मागणी

हेही वाचा : २०२४ ला लोकसभा निवडणुकीसाठी पंतप्रधान पदाचे उमेदवार असणार? उद्धव ठाकरे म्हणाले…

आमदार मनिषा कायंदे यांनी ‘टीव्ही ९ मराठी’शी संवाद साधला. तेव्हा त्या म्हणाल्या की, “आपण कोर्टाची तारीख पे तारीख म्हणतो, तसं अधिवेशन पे अधिवेशन चाललं आहे. सरकार टिकणार नाही, हे माहिती असल्याने मंत्रिमंडळ विस्तार होणार नाही. त्यामुळे भाजपात तीन-चार वेळा निवडून आलेल्या महिला आमदार आहेत. त्यासुद्धा तणावाखाली आहे. यात शिंदे गटातील महिला आमदारांचाही सहभाग आहे. फक्त त्या कोणाशी बोलत नाहीत, आमच्याशी बोलतात.”

हेही वाचा : “मला राग येतच नाही जयंतराव”, देवेंद्र फडणवीसांच्या कोपरखळीवर अजित पवारांचा टोला; म्हणाले, “ते माफ करत सुटलेत!”

भाजपाचे प्रदेशाध्यक्ष चंद्रशेखर बावनकुळे यांनी मनभेद आणि मतभेद विसरून काम करण्याची विरोधकांना विनंती केली आहे. याबद्दल विचारलं असता कायंदेंनी सांगितलं, “हे लोकं निवडणुका घोषित करत नाही. कारण, त्यांनी माहिती लोकांचं समर्थन आणि सहानुभूती उद्धव ठाकरेंकडे आहे. म्हणून निवडणुका घेण्याची त्यांची हिंमत होत नाही. ते वेळकाढूपणा करत आहेत. त्यांनी तीन सर्वे केले असून, त्यात उद्धव ठाकरेंची सहानुभूती काही केल्या कमी होत नसल्याचं दिसत आहे. हेच त्याचं खरं दुखण आहे. म्हणून बावनकुळे अशी वक्तव्य करत आहेत,” असा टोला मनिषा कायंदेनी लगावला आहे.