Petrol-Diesel Shortage in Mumbai : नवीन ‘हिट अँड रन’ कायद्याच्या विरोधात देशातील माल वाहतूकदार आणि ट्रक चालक सोमवारी आणि मंगळवारी संपावर गेले होते. भारतीय न्यायिक संहिता २०२३ मध्ये दुरूस्ती केल्यानतंर ‘हिट अँड रन’ प्रकरणात दोषी चालकाला ७ लाख रूपयांपर्यंत दंड आणि १० वर्षांपर्यंतच्या तुरूंगवासाची तरतूद करण्यात आली आहे. त्यापार्श्वभूमीवर ट्रक चालकांनी संपाचं हत्यार उपसलं होतं. मात्र, केंद्र सरकारशी चर्चा केल्यानंतर अखिल भारतीय माल वाहतूक काँग्रेस संघटनेनं चालकांना कामावर रूजू होण्याचं आवाहन केलं असून संप मागे घेण्यात आला आहे. दरम्यान, या दोन दिवसीय संपामुळे खासगी वाहन चालकांचे अतोनात हाल झाले. पेट्रोल पंपावर इंधनसाठा पुरेसा नसल्याने रांगा लागल्या होत्या. परंतु, आता ही परिस्थिती पूर्ववत झाली आहे. असं असलं तरीही सोशल मीडियावरील काही अफवांमुळे मुंबईत पेट्रोल पंपांवर रांगा लागल्या आहेत.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
