Shraddha Murder Case: खांद्याला, पाठीला दुखापत अन् आफताबची सोबत; नालासोपाऱ्यातील रुग्णालयात आलेली श्रद्धा

नक्की वाचा >> Shraddha Murder Case: पूनावाला कुटुंबाला होती हत्येची कल्पना? १५ दिवसांपूर्वीच घर सोडताना आफताबचे वडील म्हणाले, “माझ्या मुलाला…”

श्रद्धावर त्यावेळी उपचार केलेल्या डॉक्टर शिव प्रसाद शिंदे यांनी श्रद्धासंदर्भातील माहिती एएनआय वृत्तसंस्थेशी बोलताना दिली. “श्रद्धाला ३ डिसेंबर २०२० रोजी रुग्णालयामध्ये चार दिवसांसाठी दाखल करण्यात आलं होतं. तिला पाठीचा तसेच खांदेदुखीचा त्रास होता. मात्र तिला ही दुखापत नेमकी कशामुळे झाली हे मात्र श्रद्धाने सांगितलं नव्हतं,” असं डॉक्टर शिंदे म्हणाले. श्रद्धा ही आफताबरोबर रुग्णालयामध्ये आली होती, असंही डॉक्टरांनी सांगितलं. “आम्हाला तिच्या शरीरावर कोणत्याही जखमा आढळल्या नाहीत. तिला रुग्णालयामध्ये दाखल करण्यात आलं तेव्हा आफताब तिच्याबरोबर होता,” असं डॉक्टर शिंदे म्हणाले.

नक्की वाचा > Shraddha Murder Case: प्रेयसीच्या मृतदेहाचे ३५ तुकडे… इतकं क्रूर कृत्य करणाऱ्या आफताबबद्दल मानसोपचारतज्ज्ञ म्हणतात, “अनेकदा अशा…”

श्रद्धाच्या नाकाला आणि उजव्या डोळ्याखाली दुखापत झाल्याने फोटो सोशल मीडियावर व्हायरल झाले आहेत. या फोटोंबरोबर माहितीमध्ये आफताबने मारहाण केल्यामुळे श्रद्धा जखमी झाल्याचा दावा केला जात आहे. “ती आफताबबद्दल आणि त्याच्या व्यसनांबद्दल कायम तक्रार करायची. तो नेहमी तिच्याबरोबर वाद घालायचा आणि तिला मारहाणही करायचा,” असंही श्रद्धाचा मित्र राहुल राय याने एएनआयशी बोलताना सांगितलं.

नक्की वाचा >> Shraddha Murder Case: पोलिसांनी ‘तो’ प्रश्न विचारताच आफताब रडू लागला; ५४ हजार रुपयांमुळे झाला प्रकरणाचा उलगडा

आफताब आणि श्रद्धा यांचे २०१८ पासून नातेसंबध होते. २०१९ पासून ते लिव्ह इन रिलेशनमध्ये राहत होते. आफताब आणि श्रद्धा २०१९ मध्ये नायगाव येथील यशवंत प्राईड किणी कॉम्पलेक्स मध्ये पती-पत्नी असल्याचे सांगून भाडय़ाने राहत होते. येथील भाडे करार संपल्याने त्यांनी जुलै २०२० मध्ये वसईच्या एव्हरशाईन परिसरात रिगल अपार्टमेंटमध्ये पुन्हा पती-पत्नी असल्याचे सांगून सदनिका भाडय़ाने घेतली होती. या सदनिकेचा करार ऑगस्ट २०२१ मध्ये संपला या नंतर त्याने वसईत आणखी एका ठिकाणी रूम घेतली आणि त्यानंतर तो दिल्लीत राहायला गेला होता. १८ मे रोजी आफताबने लग्न करण्याच्या वादातून गळा आवळून श्रद्धाची हत्या केली होती.