तपशील उघड केल्याप्रकरणी सीबीआयची कानउघाडणी

जिया खान हिच्या आत्महत्येप्रकरणी अभिनेता सूरज पांचोलीविरोधातील आरोपपत्रातील महत्त्वाची माहिती प्रसिद्धीमाध्यमांकडे उघड केल्याप्रकरणी विशेष न्यायालयाने सीबीआयची शुक्रवारी कानउघाडणी केली. हा प्रकार खूप गंभीर आहे, असे सुनावत भविष्यात त्याची पुनरावृत्ती न करण्याचेही न्यायालयाने सीबीआयला बजावले आहे. जियाला आत्महत्या करण्यास प्रवृत्त केल्याच्या आरोपाप्रकरणी दोन दिवसांपूर्वीच सीबीआयने सूरजविरोधात विशेष न्यायालयात आरोपपत्र दाखल केले होते.