उत्पन्न वाढीसाठी चालक-वाहकांना प्रोत्साहन भत्ता देणार, एसटी महामंडळाचा निर्णय

मुंबई : राज्य परिवहन महामंडळाचे (एसटी) उत्पन्न वाढविण्याच्या दृष्टीने जारदार हालचाली सुरू असून त्याचाच एक भाग म्हणून जास्तीत जास्त उत्पन्न मिळविणाऱ्या चालक व वाहकांना एसटीतर्फे रोख प्रोत्साहन भत्ता देऊन गौरविण्यात येणार आहे. त्यासाठी प्रत्येक फेरीच्या उत्पन्नाचे उद्दिष्ट निश्चित करण्यात येणार असून निश्चित उत्पन्नाच्या तुलनेत अतिरिक्त उत्पन्न मिळविणाऱ्या चालक – वाहकांना त्याच्या २० टक्के रक्कम प्रोत्साहन भत्ता म्हणून देण्यात येणार आहे. ही रक्कम चालक-वाहकांना सम प्रमाणात वाटण्यात येणार असून आगारात परतल्यानंतर त्याच दिवशी ही रक्कम त्यांना रोख स्वरूपात देण्यात येणार आहे.