मुंबई, ठाणे, पालघर, रायगडमध्ये पुढील तीन तासांत वादळी पावसाची शक्यता

मुंबईसह, ठाणे, नवी मुंबई, पालघरला सोमवारी वादळी वारे आणि वळीवाच्या सरींनी झोडपून काढले. वेगवान वाऱ्यांमुळे अनेक ठिकाणी झाडे उन्मळून पडली. मुंबईत विविध दुर्घटनांमध्ये १६ जणांचा मृत्यू झाला. वाहतुकीचा खोळंबा झाल्यामुळे अनेकांना तासनसात प्रवासात घालवावा लागला, स्थानकांवर अडकून राहावे लागले. आता पुन्हा एकदा पुढील तीन ते चार तासांसाठी मुंबईत विजांचा कडकडाट आणि वादळी वाऱ्यांसह पावसाच्या मध्यम सरींचा इशारा हवामान विभागाने वर्तवला आहे. यावेळी काही भागांत वाऱ्यांचा वेग ताशी ४० ते ५० किमी राहील. त्याचबरोबर मुंबई महानगर क्षेत्रातील ठाणे, पालघर हे जिल्हे आणि नवी मुंबईतील मोठ्या भागाचा समावेश असलेल्या रायगड जिल्ह्यातही पावसाची शक्यता वर्तवण्यात आली आहे. या परिसरात ताशी ५० ते ६० किमी वेगाने वारे वाहतील. या जिल्ह्यांत काही भागांत गारा पडण्याची शक्यताही वर्तवण्यात आली आहे.

आणखी वाचा

चेंबूरमध्ये पालिकेने खोदलेल्या खड्यात पडून इसमाचा मृत्यू, कंत्राटदाराविरोधात गुन्हा दाखल

कुर्ला बस अपघात: मृत महिलेचे दागिने चोरणाऱ्याविरोधात अखेर…

कोकण, गोव्यासाठी विशेष रेल्वेगाड्या

त्रयस्थ संस्थांकडे भंगार विल्हेवाट, निविदा प्रक्रियेअंती तीन संस्थांची नियुक्ती

मुंबई महानगरातील परवडणाऱ्या घरांच्या किमतीत ५५ टक्के वाढ!

पुनर्विकासाचा प्रस्ताव लालफितीत; वांद्रे रेक्लेमेशन, आदर्श नगरच्या विकासाला मंजुरीची प्रतीक्षा

मुंबईतून अमलीपदार्थ आणि शस्त्रांचा साठा जप्त; साडेतीन कोटींच्या मुद्देमालासह पवईतून एकाला अटक

तीन वर्षांत २४७ अपघात; ‘बेस्ट’च्या भाडेतत्त्वावरील बसगाड्यांच्या सर्वाधिक दुर्घटना

राज्यात प्रथमच ॲक्युपंक्चर उपचार पद्धतीची १२ महाविद्यालये

हेही वाचा – घाटकोपरमधील बेकायदा फलक आयपीएस अधिकाऱ्यांच्या मंजुरीने उभा, बेकायदा फलक उभारण्यात आलेली जागा रेल्वे पोलिसांचीच

हेही वाचा – घाटकोपर होर्डिंगच्या मालकावर बलात्काराचाही गुन्हा; अवैध कृत्यांची मोठी पार्श्वभूमी

याशिवाय बीड, जालना, नागपूर, भंडारा, वर्धा, अमरावती, यवतमाळ, गोंदिया, अकोला, वाशिम या जिल्ह्यांतही वादळी पावसाची शक्यता वर्तवण्यात आली आहे. त्याचबरोबर नागपूर जिल्ह्यातील काही भागांत गारपीटीचाही इशारा हवामान विभागाने दिला आहे.