विकासाच्या गुजरात प्रारूपाचे राज्यातही अनुकरण ; मुनगंटीवार आणि उदय सामंत यांची गांधीनगरला भेट

आजवर राज्यातील रोजगार हमी योजना, माहितीचा अधिकार, ग्रामस्वच्छता अभियान या योजनांची देशपातळीवर दखल घेण्यात आली. एवढेच नव्हे तर संपूर्ण देशात आजही या योजनांची अंमलबजावणी होत आहे. अनेक राज्यानी विकासासाठी नवीन योजना, तंत्रज्ञानाचा वापर करीत आपापल्या राज्यममध्ये विकासाचे नवीन मॉड़ेल विकसित केले आहे. राज्याच्या सर्वागिण विकासासाठी विविध राज्यातील नवनवीन योजना आणि कल्पनांची राज्यातही अंमलबजावणी करण्याचा निर्णय सरकारने घेतला आहे. त्यासाठी शेजारील राज्यांचे विकासाच्या मॉडेलचा अभ्यास करण्यासाठी वनमंत्री सुधीर मुनगंटीवार यांच्या अध्यक्षतेखाली मंत्रिमंडळ उपसमिती गठीत करण्यात आली आहे. आज या समितीने गुजरातमधील विकासाच्या मॉडेलचा अभ्यास केला.

आणखी वाचा

केंद्रीय अर्थसंकल्पाने वस्त्रोद्योगाचे धागे सुखावले, कापूस अभियानासह प्रोत्साहनपर विविध योजना

Malasian Airlines: बेपत्ता MH370 चा शोध; पुण्यातील प्रल्हाद…

देवनार कचराभूमीची जमीन धारावी प्रकल्पाला; जमीन देण्याची महसूल विभागाची पालिका आयुक्तांना विनंती

महाराष्ट्रातील सात जिल्ह्यांत भूजलात नायट्रेटचे वाढते प्रमाण? कोणते धोके? 

पुणे- नाशिक औद्योगिक द्रुतगती महामार्ग रद्द करावा; शेतकरी संघर्ष समितीची मागणी

बोरिवलीत प्रसूतिगृहाच्या भूखंडावर वाहनतळ; प्रसूतिगृहाची प्रतीक्षाच

साटेली मायनिंग उत्खनन नियम धाब्यावर बसविले, ग्रामसभेत मायनिंग उत्खनन बंदचा एकमताने ठराव मंजूर!

विशाळगड अतिक्रमणमुक्त करत दर्गा हटवा; आंदोलकांची मागणी

गुजरात सरकारने त्यांच्या महत्वाच्या योजना आणि प्रकल्प नियोजित वेळेत पूर्ण होण्यासाठी तसेच योजनांची प्रभावी अंमलबजावणी होण्यासाठी मुख्यमंत्री कार्यालयात डॅशबोर्ड विकसित केला आहे. तेथून राज्यातील प्रशासनावर लक्ष तर ठेवले जातेच शिवाय योजनांची देखरेख ठेवून त्यातील अडचणी दूर केल्या जातात. गुजरात सरकारने पाच कोटींपेक्षा अधिक खर्चाचे सर्व प्रकल्प आणि योजना या डॅशबोर्डशी संलग्न केल्या असून त्यामुळे संपूर्ण राज्यावर नियंत्रण ठेवण्यात मदत होते. तसेच प्रशासनावरही अंकूश ठेवता येतो. तेथे प्रकल्पांचे पंतप्रधान, मुख्यमंत्री आदी अतिमहत्वाच्या लोकप्रतिनिधींनी भूमिपूजन केलेले, मंत्र्यांनी भूमिपूजन केलेले आणि अन्य असे प्रकल्पांचे वर्गीकरण करम्ण्यात आले असून दररोज या प्रकल्पाच्या कामावर,प्रगतीवर लक्ष ठेवून त्यातील अडचणी दूर केल्या जातात. गुजरात सरकारचे हे मॉडेल खरोखरच उपयुक्त असून राज्यातही असा किंवा त्यापेक्षा अधिक चांगला डॅशबोर्ड करता येईल असे मुनगंटीवार यांनी सांगितले. अशाचप्रकारे अन्य राज्यातील योजनांचा अभ्यास करण्यात येणार असून त्याचा अहवाल नोव्हेंबर पर्यंत मंत्रिमंडळासमोर सादर करणार असल्याचे मुनगंटीवार यांनी सांगितले.

गुजरातचा सिंह महाराष्ट्रात तर राज्याचा वाघ गुजरातमध्ये गुजरातच्या जुनागढ येथील सक्करबाग उद्यानात असलेल्या नर आणि मादी सिंहांची जोडी (आशियटिक लॉयन ) मुंबईच्या संजय गांधी राष्ट्रीय उद्यानात आणण्यात येणार असून या बदल्यात या उद्यानातील वाघ (नर आणि मादी ) जुनागढ येथे पाठविण्यात येणार असल्याची माहितीही मुनगंटीवार यांनी दिली. याबाबतच्या प्रस्तावावर गुजरातचे राज्यमंत्री विश्वकर्मा यांच्यासोबत चर्चा झाली असून केंद्रीय प्राणिसंग्रहालय प्राधिकरणाकडून प्रस्तावास मान्यता मिळविण्यासाठी एकत्र प्रयत्न करण्याचे यावेळी ठरल्याचे त्यांनी सांगितले.